YouTuber

靚女YouTuber喺地鐵嚇走肥仔 巴打:有機會都唔識把握

熱話

廣告

如果坐坐吓車有靚女突然瞓咗喺你身上,各位巴打會點做?會立刻幫佢移返正個頭?定暗爽地借個膊頭俾佢瞓一覺?有位靚女Youtuber就喺地鐵做咗實驗,睇吓自己如果扮瞓喺啲男仔度,巴打會有咩反應!點知有個肥仔……

原文:環球膠報|圖片:YouTube、Instagram、網上圖片

靚女YouTuber地鐵做實驗

有一名旅居南韓首爾嘅加拿大Youtuber 「MeiKCJ」喺地鐵進行咗多次實驗,就係佢自己扮瞓覺瞓落隔離個男仔身上,想睇吓啲男士們會有咩反應~

肥仔即彈開?

各位巴打一開始都好驚訝,但之後會扮冇事咁由佢繼續瞓!不過片入面,有位肥肥哋嘅巴打一開始就俾Youtuber嚇親,仲跑走,有網友笑佢「機會都給你了,還不好好把握」、「他單身,我也不意外」。

但有部分人就話呢個測試係侵犯了個人空間和隱私,認為舉動「超級粗魯」。隨著支持同反對嘅網民愈來愈多,MeiKCJ最終將條片刪除咗。

網上都有好多同類型實驗,巴打都可以睇吓!

同場加映:7位個樣「差少少」嘅女YouTuber一覽

|申倩瑋 Stephanie Sun

申倩瑋 Stephanie Sun,又名日本妹,雖然唔係真日本人,又唔識日文,不過擁有「個性細眼」同「特色顴骨」,真係有幾分似來自日本嘅麵包超人!網民就話雖然佢唔係話好靚女,不過好在身材唔錯,同埋識打扮,彌補返個樣嘅缺憾!

|小白 Baka Shiro

小白 Baka Shiro,網民認為佢「MK妹化身,面扁氣息暗淡,濃妝似阿嬸」!而佢喺YouTube上嘅簡介就自稱「行為很像怪叔叔」、「一直都在扮醜」、「搞笑是我的樂趣」,睇嚟佢都幾有自知之明,行唔到美女路線,咁行搞笑路線囉!

好似有啲身材咁喎!

|易健兒 Creamy Yick

易健兒 Creamy Yick,網民話「呢件真係無死角醜女,咩角度都咁樣衰」,「唇太厚,嘴邊有舊肉癡住」!厚唇、雀斑同埋棚牙係佢嘅個人標記,配合佢拍片時把聲、行為同表情,跟「弱智路線」完美結合!

|The Little Balu

The Little Balu,網民就品評佢「氣息差,笑時牙肉露出太多,法令紋好深」,雖然Balu五官麻麻,不過勝在個樣好有喜感,睇落幾搞笑,都有charm嘅一面!加上佢拍嘅片都唔係賣樣,所以網民都話冇所謂喎!

|陳怡 Chan Yee

陳怡 Chan Yee,YouTube上嘅個人簡介話「假假地都係一個女神」,加上經常拍片話自己俾痴漢性騷擾,唔睇樣嘅話真係以為係一個美女!身為一個年輕女子但擁有一副大媽面孔,拍片內容又成日觸及結婚話題,加上「法令紋好深,面頰兩邊肉下垂,雙下巴開始出現」,網民都話以為佢「上咗年紀」,咁其實佢對促進「YouTuber 耆英化」都有好大貢獻!

|海恩奶油 Hein Cream

海恩奶油 Hein Cream,現留學台灣嘅港女,網民話佢常常chok出「台式可愛樣」,加埋棚好「突出」嘅牙,同埋笑到瘋狗症咁嘅表情,幾樣嘢夾埋變成「加乘效應」,毛管戙指數急升!

|貓女孩 CatGirl

終極武器……CatGirl!