餵母乳被侮辱 官恩娜：個心好唔舒服
廣告
自去年十月誕下中法混血B仔Gabriel(BéBé G)後，36歲官恩娜(Ella)一直專心湊仔，為了令兒子健康成長，Ella堅持餵哺母乳。不過，近日Ella自爆於本地某五星級洒店女更衣室餵母乳時，被一位中年女性侮辱！
Ella表示當時因為佢所在嘅兩層樓都搵唔到育嬰室，而佢亦有問准更衣室職員，仲要為免影響他人情況下，匿埋一邊餵母乳，期間突然被一位中年女人侮辱！Ella一肚氣說：「對方故意喺bébé G嘅頭上面同佢塊面側邊大聲敲打電話，兼大聲鬧有人喺度餵人奶！再超級大聲喺bébé G頭殼頂打電話俾酒店各部門投訴，問人哋知唔知女更衣室發生緊乜嘢事！」
對方咁大聲，結果令bébé G受驚喊咗出嚟，而Ella表示佢都嚇到呆咗冇反應！事後Ella直言點解喺呢個年代都仲有人對餵哺母乳存咁大嘅偏見，而且BB飲媽咪嘅母乳係最天然不過嘅事！覺得無論如何都唔應該咁樣對一個五個月嘅嬰兒！更坦言「事後個心好唔舒服」！
個po一出，網民力撐Ella行為，認同媽咪餵母乳係無錯，更安慰Ella應無視呢啲無文化嘅人，否則激親自己影響埋bébé G健康就唔好啦！
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
