古天樂 影視展睇檔

古天樂早年得到內地基金支持成立咗「天下一」電影公司，呢兩年投資嘅電影逾10部，據知今年就計劃開拍多部電影，包括林嶺東執導嘅《迷城2》、葉偉信執導嘅《風雲天下III之斷浪》、陳木勝執導《尋秦記》電影版，以及陳可辛監製、羅志良執導嘅科幻片《矛盾戰爭》。其中《矛》 片會投資三億元，主打特效，據知古仔更有份主演。近日喺會展舉行「香港國際影視展」，古仔有份投資的天下一都有喺場內設攤位，貴為老闆嘅古仔百忙中抽空去巡視業務，真係力不到不為財！