林峯演唱會

林峯同一晚亮相《Chill Club》及《勁歌金曲》 重溫十首經典情歌!

熱話

廣告

42歲的林峯近年再度活躍樂壇,2022年推出新歌《幼稚未完》再次感動歌迷。近日近獲舊東家TVB及ViuTV邀請到《Chill Club》及《勁歌金曲》擔任嘉賓,咁啱得咁橋又喺5月1日(星期日)同一晚播,真係約埋都冇咁準!

林峯 林峯再返娘家。
林峯再返娘家。(圖片來源:娛樂新聞台截圖)

林峯「返娘家」上《勁歌金曲》

林峯早前到《勁歌金曲》進行錄影。相隔多年,林峯以歌手身份「返娘家」,見返唔少同事;佢自己亦都有兩年冇上台唱歌,接受訪問時都話自己好開心呀!佢又提到自己目前嘅家庭狀況,話雖然想添丁,不過都順其自然咁話,又話有時間嘅話會多陪伴屋企人。

林峯首次亮相ViuTV

早前林峯就以歌手身份,首次亮相ViuTV為音樂節目《Chill Club》擔任嘉賓。受訪前已表示非常期待仲話好開心Joey哥(Joey Tang)當日在場,令佢淡定少少!林峯仲透露有啲新歌已經錄好,但未正式推出,之後亦希望推出多啲廣東歌,Fans聽到一定勁開心啦!而作為樂迷,對於而家樂壇百花齊放,佢都表示好開心,仲話希望有機會同唔同嘅歌手、音樂人合作,擦出新火花啊!

回想起過往,呢位13年前榮登「亞太區最受歡迎男歌星」的林峯唔止為多套TVB劇集獻唱,自己更有唔少名曲,不如依家一齊回顧下啦!

重溫10首林峯經典情歌!

愛在記憶中找你 2007年

愛不疚 2008年

明天以後 2008年

浮生若水 2008年

愛人與海2008年

如果時間來到 2009年

換個方式愛你 2009年

忘記傷害 2009年

直到你不找我 2010年

幼稚完 2013年

林峯演唱會 林峯
林峯早前「回歸娘家」無綫,並會與星夢娛樂合作,獲無綫高層杜之克及星夢行政總裁何哲圖送上彩鑽TVBuddy和金咪高峰,你睇林峯幾開心!(圖片來源:東方新地)
林峯演唱會
(圖片來源:東方新地)

林峯稱回歸無綫全因杜之克邀請,問杜之克話唔係自己嘅功勞:「靠隻古仔、靠個Project,其實關鍵係大家都覺得阿峯係時候做呢件事,我覺得係形勢,應該積極去試吓,我哋就搵咗個Project好啱佢,啲同事都花咗好多心機做一個好出色嘅人物,同佢傾咗一次古仔,佢都覺得係好好嘅時機去做。(個Project可唔可以透露多啲?)其實我可以透露聽日留心Filmark啦!(即係為佢度身訂造?)有好多嘢都要度身訂造。」

林峯演唱會
(圖片來源:東方新地)
林峯演唱會
(圖片來源:東方新地)

回顧林峯歷年8首街知巷聞歌曲

過往林峯主唱唔少歌曲都好好聽,依家就同大家一齊回顧有邊幾首耳熟能詳嘅歌曲啦!

|記得忘記

林峯首次為TVB劇集唱嘅歌就係2002年《再生緣》片尾曲嘅《記得忘記》,當時呢首歌更收錄喺專輯《愛上主題曲3》入面!

林峯演唱會

|愛在記憶中找你

5年後,林峯為劇集《歲月風雲》唱插曲《愛在記憶中找你》,當時呢首歌更成功令林峯獲得首個勁歌金曲優秀選得獎歌曲,相信唔少人至今都仲記得歌詞「如果可以恨你 全力痛恨你」!

林峯演唱會

|愛不疚

2008年,林峯繼續為TVB唱劇集歌,當年除咗《溏心風暴之家好月圓》播出後爆紅外,就連劇集插曲《愛不疚》同樣hit爆,嗰句「放手 放開所有彼此更自由放手 其實我絕非愛得不夠 」唱得非常有感情之餘,試問又唱出咗幾多分手情侶嘅心聲?

林峯演唱會

|幼稚完

2012年《幼稚完》係林峯主演劇集《雷霆掃毒》片尾曲,歌曲更收錄喺大碟《A Time 4 You》中,其中「幾千天近況幸福嗎 每日忙碌嗎」就唱出分手後戀人對前度嘅念念不忘。

林峯演唱會

|我們很好

《我們很好》有國語及廣東話兩個版本,而國語版則係林峯首張國語專輯《First 第一次》嘅首支派台歌曲,國語版嘅MV就搵嚟佘詩曼做女主角,至於廣東話版本則搵咗湯怡,兩個版本同樣好聽,唔知你又鐘意聽邊個版本多啲呢?

|如果時間來到

2009年時嘅《如果時間來到》係林峯第3張專輯《Let’s Get Wet》嘅主打歌之一,MV更搵嚟當時TVB力捧新晉女藝員徐淑敏做女主角!

|Let’s get wet

講到《Let’s Get Wet》呢張個人專輯,當然唔少得同名歌《Let’s Get Wet》啦!當年林峯更以呢首歌嘅歌名做自己首個紅館個人演唱會嘅名,絕對可以話係林峯歌唱事業嘅一個標記!至於個MV就有陳茵媺一齊拍攝,配合歌詞二人更一齊跳貼身舞!

林峯演唱會

|Chok

2011年,《Chok》呢首歌真係播到街知巷聞,成首洗腦歌咁!不過,就算有人唔記得大部分歌詞,但都一定記得個「chok」字!呢首歌更為林峯於當年獲得唔少獎項,包括《十大勁歌金曲頒獎典禮》「金曲金獎」,為同年奪「亞太區最受歡迎香港男歌星」及「金曲金獎」男歌手。

林峯演唱會

https://www.youtube.com/watch?v=PudMdxthrVU

撰文:東方新地圖片來源:新傳媒圖片庫、微博、影片截圖