判為公益兵 李敏鎬明年初入伍

判為公益兵 李敏鎬明年初入伍

韓國男神李敏鎬下個月就29歲,已屆入伍年齡,今日有演藝界人士向傳媒透露,李敏鎬的入伍日期雖然未定,不過已經被判定為公益兵,預計會在明年初以公益兵身份服役。李敏鎬喺亞洲各地紅到發紫,入咗伍就要暫別娛圈兩年,真係傷心死一班女粉絲!

所謂「公益兵」同「現役兵」唔同,佢哋唔需要去到現役軍隊軍營,接受軍事訓練後會分配到相關公共機構工作,每日返工放工。當然,佢哋同樣唔可以以藝人身份出席活動,要等退役後方可重投娛樂圈。

李敏鎬被判定為公益兵的原因,係因為佢喺2006年交通事故中腳受傷,雖然對日常生活冇影響,但拍動作場面時明顯有障礙。所以經過身體檢查後,佢被判定為公益兵而非現役兵。

早前傳出李敏鎬有望接拍《來自星星的你》編劇朴智恩新作,估計將會係佢入伍前最後作品,另外佢主演的中國電影《賞金獵人》亦即將上映。

全文完

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk