蔡一智 黃心穎

蔡一智 黃心穎 兄妹重逢

娛聞

廣告

撞樣藝人大典中,包括Rubber Band泥鯭同林海峰、阮兆祥同盧覓雪、農夫C君同歌手小肥、車婉婉同卓韻芝等,當然唔少得網民公認似樣似到講笑係落妝前後的蔡一智、黃心穎「兄妹」!呢pair「兄妹」終於碰頭,仲齊齊撥弄長髮搞搞新意思。

延伸閱讀:

《城寨英雄》學生妹搶鏡 包包面林穎彤真身

《城寨英雄》童年煎Pang 原來係佢!

早前,黃心穎BB同蔡一智被網民指撞樣,更將二人的照片拼在一起,寫住「妝前妝後」,妝前就係蔡一智,而妝後就係心穎BB,驟眼睇又真係有幾分相似。

當時心穎BB就在社交平台大方留言話:「哈哈!竟然俾人識穿我哋『兄妹』嘅身份!」而「哥哥」蔡一智亦搞笑回應:「阿妹你好!」網民認為二人相似度達80%,有廣告商睇中呢個賣點,邀請二人合作拍廣告!


二人一身黑白配打扮,散開一頭長髮拍廣告,當然亦把握機會來張「兄妹重逢」合照!

兩兄妹同樣做出撥弄長髮動件,而且髮型同為七三分界,阿智向右撥、心穎BB向左撥,默契十足,不如真係上契啦!