港男肌!全部都係肌!齊齊野外餵蚊

港男肌!全部都係肌!齊齊野外餵蚊

娛聞

廣告

十位準港男到元朗南生圍影官方相,天氣熱辣辣,眾港男齊齊除去上衣,場面頓變全部都係肌!不過,現場實在太多蚊,搞到眾港男互噴蚊怕水止痕!

 

延伸閱讀:

《城寨英雄》朝霞慘死 觀眾哭崩

花曼半夜喊住寫遺書

 

谷爆肌示人

眾港男為了今次活動,大部分之前去狂操肌!順序由左至右、1至10號企定定俾大家影餐飽,齊齊脫去上衣後,個個chok樣盡現!當中以「吔蕉消防員」3號梁裕恆、4號黎振燁及8號伍禮騫最爆肌!反觀9號丁子朗和10號梁賢基就削咗啲喇!

由於現場實在太多蚊,梁裕恆頂唔順要2號麥凱程及黎振燁幫手噴蚊怕水止痕!

 

阿婆當透明

正當眾港男對自己爆肌身形好自豪,期間有幾位婆婆街坊經過,梁裕恆同麥凱程笑容可掬咁上前打招呼,不過,拖住購物車嘅婆婆似乎當二人透明,低頭就咁走咗,令兩位肌男有點尷尬!

麥凱程、梁裕恆、黎振燁因參選而成為好朋友,三人笑言鬥擺chok甫士吸引街坊,認真搞笑!雖然熱到成身汗,但梁裕恆務求以最弗狀態影相,即場做掌上壓實行谷爆肌!

全文完