陳子聰

陳子聰近照被出賣 蘇永康插錯鄭紹康「家賊」

最新娛聞

廣告

陳子聰 早前因為腸胃出現問題而入院接受治療,住院期間有太太何超儀悉心照料,又獲眾多好友探望及慰問,病情終有好轉,據知現已順利出院,回家休養,但畢竟大病過後,日前,由徐濠縈IG流出一張 陳子聰 的近照,他消瘦不少,而呢張近照亦牽連起「放料」風波,子聰和阿徐的好友蘇永康,今日就指「放料」者是…

延伸閱讀︰

無綫劇男人婆 你最愛邊個?

胡定欣《飛虎》全男班開P唱Big Bang

阿徐無辜被出賣

陳子聰 病情好轉,出院後急不及待與友相聚,日前有一張 陳子聰 與太太超儀和好友徐濠縈的合照流出,相中三人好HAPPY,而企中間的 陳子聰 精神奕奕,但畢竟大病一場,整個人消瘦不少,而且頭髮亦見稀疏。

近照流出後,阿徐接受訪問時表示相片係來自其私密INSTAGRAM戶口,而此私密戶口不時從未出過事,阿徐謂:「好明顯係俾人出賣啦!其實個ACCOUNT內全部都係自己嘅好朋友、屋企人,都擺過包包(女兒康堤)啲相都冇嘢,依家已經清洗咗個account喇,我連Eason都唔小心刪走埋,得返個女同自己細佬,件事太震驚喇!」

蘇永康怒斥「家賊」

而身為 陳山聰 、徐濠縈的好友蘇永康,今日與袁詠儀出席活動時公開質疑公關鄭紹康出賣徐濠縈,將其公私密Instagram戶口內的 陳子聰 近照公諸於世,蘇康勞氣謂︰「阿徐已講過唔好分享佢私人戶口內嘅相,唔明點解有呢種人要做咁嘅事﹗有好多人是非做人情,尤其阿徐個經理人,你哋唔知邊個? 咪
『天下第一關』(鄭紹康)囉!」
蘇康被問到係咪覺得係所做?蘇康就話:「我唔敢咁講,佢一定有阿徐IG,PR是非做人情,呢個都係本人觀點,唔代表阿徐。」不過原來蘇康同鄭紹康有私怨,蘇康再插:「佢做咗啲嘢好侮辱我,佢打俾我老婆,話有個event搵我去,出3千蚊,Francis(鄭紹康)仲喺後面講,問吓阿公有冇期,之後我打去佢公司,話我俾返3千蚊佢,叫佢以後唔好搵我。當我死!每個人都有個價,唔值得可以唔請,TVB藝人都唔止啦,呢個係侮辱性嘅價錢,有冇病!」

天下第一關開腔澄清

而被指是「家賊」的「天下第一關」鄭紹康,便拍片澄清自己非放料人: 「我對於蘇永康先生對我嘅指控,我有以下回應,第一,清者自清,第二,多謝徐濠縈小姐對我嘅信任,我係冇阿徐私人IG戶口的,阿徐亦已證實呢件事,唔該大家查清楚,而佢亦證實咗唔係我攞嗰張相嘅!」嘩,有阿徐做人證,今次唔知蘇永康仲會點解畫呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!