鄭俊弘

入行16年 升呢做男二 33歲鄭俊弘捱出頭

最新娛聞

廣告

在2013年《星夢傳奇》中 鄭俊弘 感性一句:「只求觀眾講得出我個名。」大灑洋蔥,令不少觀眾都深受感動,最後鄭俊弘贏得冠軍,加入星夢娛樂做歌手,不過成功做到歌手後,鄭俊弘拍劇就變得好揀擇,自2014年拍完台慶劇《名門暗戰》後,至今只在去年拍了一套《與諜同謀》,劇中當然唔使再做茄喱啡,而係做羅嘉良個仔,首次擔正做男二,戲分勁多,仲同無綫力捧的花旦李佳芯(Ali)做一對,真正捱出頭!

相隔兩年 做復仇chok男

鄭俊弘自01年17歲時已參加全球華人新秀歌唱大賽入行,得以簽約華星唱片公司,但同年10月就因華星宣布停止除版權管理外所有業務而被解約。02年他加入無綫第18期藝員訓練班,同班中人有胡定欣、黎諾懿、蔡淇俊等。到03年,鄭俊弘開始拍劇, 每年都拍攝多部劇集,不過都只係一些小角色,直到06年,鄭俊弘在《法證先鋒》飾演蒙嘉慧細佬梁小剛一角,先至有較多戲分,但觀眾仍叫不出他的名。

 

一路捱到2013年,在《星夢》中彈起後,鄭俊弘終於成功入屋,仲加入星夢娛樂,一圓歌星夢。近年鄭俊弘專注做歌手,已經兩年無拍劇,今次回歸演員角色,一改暖男形象,大玩chok爆復仇路線,唔知觀眾又buy唔buy呢?

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!