城城方媛大婚 火紅沈月搶盡風頭

城城方媛大婚

昨日突然爆出城城喺半島酒店舉行婚宴的消息，傳媒知悉後蜂擁而至，不過一直未見主角。等了大半日，城城終於肯發相，見到佢身穿型仔tuxedo，打上紅色煲呔，仲有同兄弟團的合照！

其後城城及方媛的裙褂照及婚紗相亦曝光，裙褂照中方媛只係戴上兩對龍鳳鈪，而城城就戴住隻靚錶，兩人都冇戴戒指。婚紗相中城城穿上Tom Ford黑色禮服，輕輕擁着白色暗花婚紗的方媛，簡約優雅，非常幸福！

低調擺酒

由於城城希望低調，所以昨晚婚宴只邀請雙方家人及少數圈中人，當中包括張智霖及袁詠儀夫婦、沈嘉偉與邱淑貞一家三口、經理人小美及排舞師Sunny Wong等等。

邱淑貞 風采依然

其中昔日性感女神邱淑貞雖然已經48歲，又係三女之母，但依舊明豔照人，昨晚佢以低胸黑色套裙亮相，輕輕露事業線，網民們都大讚索爆！不過大家都估唔到，豆斗呢晚會被大女沈月搶晒鏡！

沈月 搶盡風頭

凌晨十二點開始，出席婚宴的兄弟及賓客陸續離場，邱淑貞步出時保持燦爛笑容，不過風頭隨即被跟在後面的大女沈月搶晒！沈月呢晚以全紅色打扮示人，鮮紅運動外套及鮮紅運動喇叭褲，內裏則是黑色低胸裝，有型又性感！另外沈月紥住條高高的馬尾，戴住副襯到絕的紅框黑超，舉手投足如同國際巨星！

星味爆發

事後沈月喺IG上載當晚的火紅造型照，喺梳化上擺晒甫士，真係好有星味！

原來沈月配戴的飾物都好潮，係眼睛、鼻同嘴！

仲有婚宴上「沈月小姐」的坐位名牌，認真架勢！

全文完