蘭花刼

十年倉底劇 《 蘭花刼 》 重見天日

最新娛聞

廣告

4K全實景拍攝嘅《不懂撒嬌的女人》進入咗結局篇,緊接嘅劇集本來有傳係《三個女人一個「因」》,但結果竟然係倉底劇 《 蘭花刼 》 !呢一套 《 蘭花刼 》 其實係10年前拍落,由田蕊妮、蘇玉華、唐寧、胡定欣及陳錦鴻等主演嘅倉底低清劇,今日竟然破土而出,認真估佢唔到!

10年前標清拍攝

倉底劇 《蘭花刼》 喺10年前拍落,當時香港先啱啱進入高清嘅年代,依一套 《蘭花刼》 都仲係用緊4:3標清技術拍攝, 《蘭花刼》 仲要緊接使用4K全實景拍攝嘅《不懂撒嬌的女人》後播出,觀眾一下子由高清跌去標清,會唔會太大落差呢?不過無綫就話會會重新以數碼技術優化聲畫,仲話 《蘭花刼》係片庫中嘅滄海遺珠,而且罕見地以女子監獄為背景,都幾令人期待!

獄血姊妹花 背叛由犧牲開始

《蘭花刼》係講述蘇玉華飾演嘅富家小姐炎沛湖結婚前被控謀殺養母入獄,咁啱相遇自幼失散擔任教化官,唐寧飾演嘅妹妹蘇菲,連同田蕊妮飾演嘅大家姐江麗雅重拾姊妹情,兩姊妹為炎沛湖洗脫罪名四處奔走。

可惜事與願違,江麗雅與陳錦鴻飾演嘅男友言亮誕下兒子後得知自己身患絕症,江麗雅鋌而走險替湖頂罪入獄,蘇菲只好獨力追查,卻赫然發現江麗雅之絕症報告原來是炎沛湖的預謀,蘇菲難以接受親姊的所作所為。

蘇菲為免江麗雅白受冤獄,竟知法犯法幫江麗雅密謀逃獄,炎沛湖為斬草除根對江麗雅趕盡殺絕,卻拖累黃智賢飾演嘅丈夫張至凱家破人亡而悔疚不已,炎沛湖三姊妹命途安危從此懸繫鐵窗內外。

十年人事幾番新

雖然畫質參差,但係《蘭花刼》 陣容係10年後嘅今日有好大變化,當中田蕊妮同胡定欣係10年後已經係視后級數;唐寧同陳自瑤由清純少女變成人妻;資深演員陳鴻烈、魯芬同曾守明相繼離世。所以大家可以藉住呢套劇懷緬佢哋當年嘅風采!

第一集 (29/5) 劇情:

1927年,城中有名富商張應景兒子張至凱的未婚妻炎沛湖被指謀殺養母炎熊念慈被判死刑。在旁聽席的江麗雅傷心流淚。湖在監獄中獲優待,惹起其他女囚不滿。凱前往探監,並堅稱相信湖是無辜,斷不會放棄她。凱和母前往新加坡探望患病父親,雅追至,才得知慈根本無意為湖上訴。雅和言亮見面,亮借錢給雅為湖打官司。湖回想起和凱結婚當日,慈因意外弄斷腳骨,而被迫取消婚禮。任職護士的雅剛巧在場,將慈送入醫院。醫院中,湖要雅不要再騷擾她,並將雅的賀禮退回。凱登報與湖取消婚約,湖激動至搶走獄官亞威的新聞紙而被打傷。

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!