《不懂撒嬌的女人》 人生贏家其實係「賤Han」？

一腳踏兩船 唐詩詠、白雲兼得

劇集初始，Cherry同Hanson係情侶關係，Cherry又靚、又叻仲十分勤奮，簡直係個模範女友！不過Hanson仍未心足，於上海工作時搭上身材勁爆的白雲，隔咗一排Cherry先發現兩人關係。 Hanson身邊有兩個索女，簡直係享盡齊人之福！

大難不死 被踢走再被重新獲聘

唔好睇Hanson喺劇中好有「馬壯」的影子，搞笑又無厘頭，其實佢喺公司都有相當高嘅位置，甚至同擔當商場租務部總經理Mall姐平起平坐。Hanson係傲星推廣部總經理，同Mall姐經常互相競爭邀功，可惜最後爭輸咗，更被逼走離開公司。但後來Mall姐爲對付死對頭Gordon，邀Hanson重返公司。Hanson大難不死，認真好命！

抱得嬌嗲台妹歸

雖然Hanson十分「花fit」，但多次感情未能開花結果，不過編劇十分偏心Hanson，臨結尾安排一位美女同Hanson恩恩愛愛，呢位美女就係張瑋純、Saving的台灣表妹純純！内容講述Saving每日send ICQ聯絡Cherry，但始終得不到回覆。張瑋純唔忍心見表哥苦苦等候，於是找來Hanson破解Cherry密碼，代之回覆。後來純純的嬌嗲神功，成功融化Hanson，兩人最後發展成情侶。Hanson輕易抱得台妹歸，各位港男係咪好羡慕呢？

登上CEO寶座

臨近劇終，行政總裁一位懸空，同事下賭注，估吓邊個會係CEO，大熱人選當然係Gordon同Mall姐啦。而自信心爆棚嘅Hanson就重注買自己升為行政總裁，各同事十分懷疑，只有Oscar（張達倫）一人投注Hanson。點知道結果出乎意料之外，真係由Hanson上任CEO！關於CEO一職，原來大老細有問過Gordon同Mall姐，前者就話自己對上海的項目較感興趣，後者就覺得風險太大，所以Hanson誤打誤撞成爲CEO，今次發過豬頭啦！

全文完