使凸贍養費返港撲水 陳法拉 搵舊愛王浩信幫拖

陳法拉 和Neway大少薛世恆離婚後,為過新生活,拎住一筆贍養費,14年隻身到紐約修讀四年碩士課程,早前更被爆有個法籍新歡!不過以往過住豪門少奶生活的法拉,要支付高昂生活費、學費,又要照顧已退休父母,贍養費話咁快搣完,惟有自力更生密密返港接job!一邊撲水之餘,法拉又要為交功課執導微電影,低成本又要有卡士,故不惜搵來昔日未紅時拍過拖、現今已是無綫數一數二小生的王浩信幫拖!

陳法拉離婚後做全職學生

法拉與Neway大少薛世恆的戀情於07年曝光,女方一直唔認愛,直至11年有傳二人於美國秘婚,曾高調繑手拍拖出席活動,可惜最後於14年離婚收場。法拉放棄如日方中的演藝事業,到紐約茱莉亞演藝學院(The Juilliard School)進修四年演藝課程,導師仲係美國名演員及導演Kevin Spacey!學費之高昂可想而知。