霸氣情歌

黃偉文林奕匡聯手 〈 霸氣情歌 〉賀陳柏宇新婚!

最新娛聞

廣告

陳柏宇 (Jason)與模特兒女友符曉薇 (Leanne) 昨日終於拉埋天窗,結束六年愛情長跑!兩人在九龍灣國際展貿中心The Marquee舉行結婚酒會。而Jason為了紀念結婚大喜日子,特別錄製新歌〈 霸氣情歌 〉,新歌由Jason老友林奕匡作曲、黃偉文(Wyman)填詞,完完全全表達出Jason的個性與心情,旋律甜到漏,一分鐘精華MV中仲有婚禮的甜蜜片段。再次祝陳生陳太新婚快樂!

陳柏宇Leanne大婚

33歲的Jason與31歲的Leanne,特別挑選拍拖7月2日紀念日成婚,兩人上台宣讚誓詞感動到眼濕濕,之後全日咀過不停!Jason同Leanne表示婚後即將出發到夏威夷度蜜月,坦言計劃好要「造人」,更抵死地將「造人」比喻成做gym:「點都要做幾次!」

林奕匡見證二人相戀經過

Jason大婚之後,紀念新婚的作品〈 霸氣情歌 〉亦隨即面世,歌曲的優美旋律由Jason老友林奕匡創作,同樣即將成為人夫的林奕匡表示,Jason同Leanne第一次約會就係約佢打羽毛球,所以佢見證住兩人由初相識到開花結果,係一件美麗的事。而林奕匡寫呢首歌時,demo叫作〈Yesterday〉,大意就係回顧昔日走到今日的感覺,令人想起當初係如何走在一起,經歷種種考驗後再訂終身,算係送俾兩位新人的最佳賀禮!

黃偉文為〈 霸氣情歌 〉填詞

寫過無數甜蜜情歌的Wyman,都表示今次呢首新婚紀念作品經過長時間的塚磨,佢認為歌詞浪漫深情係基本要求,但希望首歌可以更個人、更有陳柏宇的風格。後來兩人通咗一次長電話,最後決定以一個較幽默、較真性情的角度完成了〈 霸氣情歌 〉!但浪漫細膩的歌詞,卻命名為〈 霸氣情歌 〉,Wyman拆解話情到濃時的戀人,會覺得全世界情歌、電影或小說都係講佢哋,所以愛得最深的戀人,彷彿都有能力騎劫全世界,所以選了「霸氣」二字。

〈 霸氣情歌 〉面世

當然,新郎哥Jason都對〈 霸氣情歌 〉十分上心,花了好多心思揣摩句法、歌詞、感情等等。有齊好的歌詞、編曲同歌手,將來會唔會成為年輕愛侶結婚、求婚的指定歌曲呢?

「最纏綿那些歌 以後也會歸於你我 將要面世 良辰美事 都先行 和你浪漫留座…」

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!