泳裝

大媽淘寶Look 2017港姐晒 泳裝

最新娛聞

廣告

《2017香港小姐競選》12位佳麗早前已正式誕生,日前更齊齊去到台北拍攝外景,而大家最期待的 泳裝 環節亦出現了!不過今年佳麗大多身材比較瘦削,而且選美又唔敢食太多,所以冇咩睇頭!除了佳麗身材問題,今年大會提供的 泳裝 實在不敢恭維,漸變色上衣、酷似男裝的平腳泳褲,仲有對大媽至愛的松木底鬆糕涼鞋,到底搞咩傢伙啊……

2017港姐晒 泳裝

每年港姐佳麗必定有贊助出國拍外景,好似12年去倫敦、近幾年的沖繩、東京、福岡等,今年就近近哋去台北算,而泳裝環節就去到一間溫泉旅館拍攝。不過佳麗們一出場,小編真係不禁「嘩」咗一聲!三隻顏色的漸變色上衣靚唔靚就見仁見智,黑色同寶藍色平腳泳褲就唔知似男裝泳褲定P.E.堂制服,冇晒美感… 但最出事應該係對涼鞋,松木厚底一字帶設計,藍色綠色最攞命,唔知淘寶50蚊有冇交易?

延伸閱讀:

擔正《男臣》做太監 何廣沛:我本身就似公公

環遊世界 蜜月造人 黃翠如 蕭正楠8月結婚

 

 

 

 

賽前大熱、8號佳麗伍樂怡(Kelly) 身形唔算特別出眾,不過有靚樣同甜美笑容搭夠!

 

 

何依婷Regina亦係唔少人的三甲心水,不過見佢生晒暗瘡,似乎好大壓力!

 

 

去屆友誼小姐張寶兒的妹妹張寶欣,着起泳衣就睇得出幾有肉地,似乎要努力修身!

 

7號雷莊?行出嚟自信心十足,狀態一流!

 

 

年紀最細只有17歲的佳麗邱晴(Mandy) 早前揚言自己要努力減磅,呢日就展示成果,大家覺得如何呢?

 

 

11號胡美貽(Nicole) 喺泳裝環節每人眼前一亮,佢就話自己之前喺美國買內衣都係B cup,但返到香港買內衣時,人哋話佢其實係D cup!

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!