伍樂怡

應該有三甲? 落選港姐 伍樂怡 邱晴 張寶欣

最新娛聞

廣告

《2017香港小姐競選》,昨晚,似乎唔太圓滿地結束。5號雷莊?在鄭裕玲 (Do姐) 欽點下奪得冠軍,但其樣貌似乎唔太得到網民及觀眾歡心,反對聲音出奇地強烈;反而幾位賽前都有高人氣的佳麗,最終連三甲都入唔到,6號邱晴、8號 伍樂怡 ,仲有10號張寶欣,呢幾位會唔會先係大家的心水呢?

仙氣大熱伍樂怡

8號 伍樂怡 (Kelly) 今年24歲,來自加拿大多倫多,猶記得佢面試時造型大方端莊,笑容自然甜美,更有人覺得Kelly同那些年「姑姑」李若彤有幾分相似,仙氣程度可想而知!基本上大家唔單止認為Kelly必然入到決賽,而且更加係三甲熱門!

昨晚Kelly出場表現出一貫的滿滿自信和甜美笑容,着起晚裝高貴又明豔照人,之後由女神為大家彈奏古箏,真係整個畫面都充滿仙氣!

 

雖然一路走來都有極高人氣,整晚表現亦相當平均,可惜Kelly最終五強止步,未能獲得任何獎項,實在教人失望!不過Kelly就話盡咗最大的努力,又識到一班好姊妹,所以總算有所交待了!另外大家多年來都知道冇三甲唔代表冇前途,可能好快就喺電視見到Kelly!

17歲卜卜脆 邱晴

今屆港姐有「張寶兒個妹」、「翻版乜乜乜」,不過6號佳麗邱晴 (Mandy) 仍然備受關注,皆因佢只得17歲!啱啱考完DSE,17歲卜卜脆,長得一張清純面孔,不過就有着一副魔鬼身材,173 cm身高加上豐滿上圍,唔簡單!雖然參選初時被指好有肉地,佢亦坦承自己有成130磅,不過之後睇得出佢有努力減肥,真係fit咗唔少!

 

雖然係個17歲小妹妹,不過昨晚Mandy換上華麗晚裝後非常出眾,散發陣陣女人味,難怪三哥苗橋偉都對佢投下信心一票!至於Big Big Channel battle環節中,Mandy就換上黑色透視長裙直播食千層蛋糕,仲請埋「馬壯」黎諾懿食!雖然係有啲無厘頭,不過Mandy就表現出符合佢年紀的可愛一面,觀眾都會心微笑!

 

17歲青春無敵,但同時代表閱歷不多,Mandy早前就曾多次被批說話唔夠大方得體﹐辭不達意,但決賽呢日明顯有改善;而且睇得出佢修身成功,着起泳衣好吸睛!可惜Mandy最終未能晉身五強,以一票之差輸俾張寶欣。不過Mandy咁年輕,將來仲有大把機會,繼續努力!

甜美開心果 張寶欣

10號佳麗張寶欣 (Boanne) 由第一輪面試就已經成為焦點,無他,因為佢親生姐姐係去屆友誼小姐張寶兒 (Bowie)!自然不造作的笑容,深深的可愛酒窩,同家姐一樣活脫脫似個開心果!Bowie去年未能晉身三甲,故大家當初都好期待Boanne會唔會可以超越家姐呢?

 

雖然燦爛笑容和感染力係Boanne的最大武器,不過佢其他方面就較為平均,未見非常突出。而且決賽當日Boanne似乎好怯場,對答環節未見大方得體,最終五強止步!

 

雖然入唔到三甲,不過Boanne就深得網民歡心,奪得今年新設的「Big Big Channel最受歡迎香港小姐」,並在家姐Bowie手上接過獎項,相信已經好滿足!唔知將來兩姊妹有冇機會喺大台合作呢?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!