約滿離巢 黃德斌 同女友恩愛湊B仔

上月底約滿無綫的黃德斌,揚言同舊公司展開新形式合作,仍未有新工作的他,不時同圈外女友黃美恩(Joyce)一齊湊仔為樂。日前,一家三口又出動,只見黃德斌同女友湊仔緊張到爆,見B仔扭計扁嘴,黃德斌即慈父上身哄頭埋去肉緊狂啜B仔額頭,又出動手機、玩具出力氹,父愛氾濫!

黃德斌約滿離巢外闖

入行30年的黃德斌先後效力無綫25年,一度在劇集《刀下留人》做男一,但近年已冇乜機會擔正,上月底約滿決定離巢外闖。據知近年德斌唔係客串就係做男二,所以覺得係時候出去闖吓,所睇吓有冇機會拍內地劇,不過據知依家都係搭緊路,未有新動靜!