余文樂

忘本交惡 城城 沈嘉偉踢余文樂出局

最新娛聞

廣告

余文樂今月初失驚無神在IG發放婚照,表示「在對的時間,遇著對的人」,宣布與台灣女模兼皮帶大王千金王棠云(Sarah)結婚。余文樂一眾好友至親一概在場見證婚事,但點解當年一齊打邊爐、玩超跑班富貴friend郭富城、沈嘉偉等冇晒影?原來由菠蘿雞變潮牌主腦,余文樂因為過橋抽班得罪人,一早已經被踢出局!

余文樂 失驚無神大婚

潮流興唔聲唔聲娶老婆,潮人娛文樂又點可以脫節?大囍之日一星期前出席電影《狂獸》首映時依然絕口不提,一個星期後已經拉大隊身在澳洲墨爾本娶王棠云過門。話就話低調溫馨一齊從簡、出席賓客只限新人至親好友,不過真正好感情,如15年前拍台劇《愛情白皮書》已經相識的彭于晏一樣出長水遠飛到去。

昔日富貴朋友無影

其實余文樂一向貌似好人緣,近年更越級挑戰,成為城城、沈嘉偉、張智霖邊爐腳,亦曾經為埋堆分期付款連換十架超跑,不過四月城城大婚,請飲冇余文樂份,今次輪到余文樂小登科,一班富貴朋友一樣唔見人。

傳余文樂沈嘉偉不和

據知早於兩年前郭富城50歲生日會時,余文樂已經得失一班富貴朋友,有指當時傳聞城城同樂仔唔妥,但其實不和係沈嘉偉同余文樂!事緣當年余文樂搞自己品牌Madness,乜都唔識又冇人脈,起步都係向沈嘉偉取經、又係靠沈嘉偉穿針引線識咗好多日本潮人。

 

反面不認人

點知去到呢幾年,Madness開始上軌道,據知前兩年沈嘉偉想搵I.T.同Madness聯乘搞啲嘢,余文樂覺得自己品牌上咗位、唔想益人!有咗潮牌可以反面不認人、今時今日有埋富貴老婆,富貴friend自然一早當係過眼雲煙!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!