陳豪偷嗒咪神？李佳芯小背心色誘森美反擊

陳偉琪再色誘陳豪

喺《誇世代》初段俾人拉咗坐監的「咪神」陳偉琪，今集又再性感示人，泳裝上陣色誘陳豪，非常狼死咁又攬又錫，仲叫陳豪幫佢搽太陽油！而呢一切，都被坐在一旁做訪問的李佳芯(Ali) 看在眼內……

陳偉琪慘遭顏射

不過陳豪依舊不為所動，仲將成枝太陽油倒落對方個頭度！於是陳偉琪就成面白色液體……

唯然話係「合約夫妻」，但Ali其實一直喜歡陳豪，見到陳豪同陳偉琪苟且的畫面當然醋意大發，不過陳豪就勁決絕咁話唔關Ali事，就算佢要出去同其他女人上床都得！

李佳芯色誘森美

嬲爆的Ali於是前去搵陳豪好基友森美傾訴，更加係「你做初一 我做十五」，闖入森美瞓緊覺的帳篷！

火

白色小背心誘惑

鏡頭見到Ali除剩件白色小背心，將頭髮撥到一邊，「笑淫淫」咁望住森美，成個畫面夠晒香豔！

森美晒肌

進擊的Ali個樣夠晒狠，講完句「今晚辛苦你啦」，之後就一手扯開森美件衫，森美就露出結實肌肉，正呀喂！

問你點忍！

點知原來無下文，Ali一挨落去就已經瞓著咗！

陳豪激死

第二朝，扮唔緊張Ali但又其實擔心到死的陳豪上到嚟，見到Ali同森美攬埋一舊瞓喺帳篷內，即時激到面容扭曲！

見到陳豪火冒三丈，Ali淡淡然咁話對方喺酒店同其他女人幽會，無資格阻止佢同第二個男人瞓！

究竟呢對「合約夫妻」最後會點呢？