蕭正楠收陸永聖誕禮物灰爆 究竟係咩嚟？
廣告
早前聖誕佳節，唔少人都會同一班朋友開party，交換禮物就少不了，不過想交換到一份適合自己又有心思的禮物，這些機會真係唔係個個有！蕭正楠同一眾藝人朋友都唔例外，去到陸永屋企開聖誕party，不過抽中咗陸永份禮物之後當堂灰到爆，咩笑容都無晒！
蕭正楠陸永家開party
蕭正楠早前聖誕節與女友黃翠如、陸永夫婦、C君及唐詩詠等人，齊齊去到陸永屋企開party，食大餐兼交換禮物。陸永太太Reina在IG上載合照及短片，其中蕭正楠拆禮物的片段非常爆笑！話說佢抽中陸永的禮物，不過禮物紙未拆完，蕭公子就發現唔對路……
蕭正楠收禮灰爆
原來陸永準備的禮物係一隻聖誕老人公仔，不過隻公仔個樣唔多討好，仲要成身都係灰色，難怪蕭公子打開之後當堂灰晒，呆咗咁企喺度，默不作聲的苦笑！
同蕭公子相反，陸永同C君笑到停唔到，C君稱「有咩好得過聖誕節收到聖誕老人！」陸永回應：「我幾有心，幾難買到個咁樣衰！」蕭公子都唔知好嬲定好笑！
蕭正楠 送梳打餅 檸檬薑
蕭公子抽到份咁灰的禮物，不過原來佢自己準備的禮物亦唔係好得去邊！佢接受訪問時稱自己當日收工趕去party，無咩時間準備，所以求其買咗梳打餅同檸檬薑做作交換禮物，之後更由C君女友黃天頤抽中！蕭公子怕對方唔開心，所以額外準備了「利是」補數！咁就差唔多！
去片：
有咩嬲得過聖誕節抽到聖誕老人… 仲要係灰色嘅！ @edwinsiu @6wing_fama
MISSUS 6（@missussix）分享的貼文 於 張貼
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
