圖片：新傳媒圖片庫

李佳芯上位快 備受力捧

2016年李佳芯勇奪「飛躍女藝人」後受到無綫力捧，而今年Ali有多套擔正的劇集出街，包括《與諜同謀》、《踩過界》、《誇世代》，喺早前在大馬舉行的《TVB 馬來西亞星光薈萃頒獎典禮2017》Ali憑《踩過界》「我最愛TVB女主角」，之後又在《Yahoo人氣搜尋2017頒獎典禮》及《星和無綫電視大獎2017》，攞咗「人氣最愛女主角」及「我最愛TVB女主角」，難怪被譽為下一個衝視后的大熱人選。

有信心封后

Ali接受本刊訪問，問到對攞視后有冇信心？佢話：「次次話冇信心都畀人鬧！所以今次有信心，今年好開心三套劇都出咗街，唔同類型嘅角色都有，希望觀眾喜歡，辛辛苦苦拍劇捱咗一年，所以我會投自己一票！」

唔諗結婚

問到新一年嘅大計會唔有包括埋結婚呢件重要事情，李佳芯就話2018年劇接劇，暫時就咁睇自己嘅時間表2018年大半年都係要拍劇渡過，所以感情暫時唔諗住，都要醉心同努力工作。佢同拍拖兩年嘅ViuTV主持男友陳炳銓(Danny)感情愈趨穩定，早前二人養咗一隻黑狗仔「豆豉」，更一家三口在西貢市溫馨出巡，打風都唔甩，梗係事業行先啦！

李佳芯憑《踩過界》奪視后 是非精變演技派

《踩過界》在去年年中播放後，反應非常好，劇中男主角王浩信爆紅外，李佳芯的演技亦不可忽視！在《踩過界》中飾演Never的她，姣又得、清純又得、專業律師look又得、連癡情都得。在短短幾年間，由《學是學非》的一個是非精，慢慢變成一個演員，再慢慢成為一個實力派演員，雖然年資未必夠其他視后，但在無綫這個缺人潮中，她的演技都算是「夠班」了。

「新一代無綫狐狸精」李佳芯 愈做愈惹人愛

其實李佳芯原本在有線擔任體育和綜藝節目主持，當時因為傻大姐的形象，已經有不少觀眾對她留下深刻印象，到2012年，李佳芯由有線轉去無綫之後，跟翠如一樣，轉會後即有很多幕前的工作機會，更有機會拍劇。而在短短5年間，李佳芯的演戲細胞被無綫「激發」，逐漸由主持轉型為演員，連她主持的綜藝節目《學是學非》亦宣告要退出，全力拍劇。最後她憑《名門暗戰》一個情婦角色，被人貫上「新一代無綫狐狸精」之名，成功入屋，但Ali未有因此被定型，各類型角色都試過。

踏入2018年，Ali繼續劇接劇，呢排佢忙拍新劇《BB來了》，劇中同黎諾懿飾演夫婦，Ali仲扮大肚婆同新手媽媽，又係一個具挑戰性嘅角色！

睇番視后之爭，其實《不懂撒嬌的女人》的「Mall姐」宣萱都有機會，不過另外還有胡定欣、田蕊妮、鮑起靜等好戲之人，視后之爭似乎充滿變數呢！

最佳女主角提名名單：

宣萱《不懂撒嬌的女人》

鮑起靜《同盟》

胡定欣《同盟》

李佳芯《誇世代》

林夏薇《乘勝狙擊》
陳敏之《親親我好媽》
江美儀《親親我好媽》
黃心穎《與諜同謀》
陳松伶《全職沒女》
唐詩詠《不懂撒嬌的女人》
蔡思貝《踩過界》
薛家燕《燦爛的外母》
湯洛雯《燦爛的外母》
黃翠如《使徒行者2》
黃智雯《雜警奇兵》
李司棋《溏心風暴3》
關菊英《溏心風暴3》
米雪《溏心風暴3》
岑麗香《溏心風暴3》

下一頁：TVB 2018重頭劇晒冷

TVB 2018綜藝節目晒冷

未紅前絕密靚相曝光 Ali李佳芯女神初育成之路