情侶檔出騷 公開冧翠如 蕭正楠：最緊要有你喺度！
廣告
蕭正楠、黃翠如日前以情侶檔出席家居品牌活動，在台上司儀小儀問Edwin幻想中將來自己嘅家係點樣？最需要嘅係乜嘢？蕭正楠忽然笑騎騎，翠如問佢做乜笑得咁開心？Edwin對住翠如冧話：「最緊要有你喺度！」真係冧滋滋……
撰文：東方新地
蕭正楠 公開冧翠如
問到二人居住的問題，翠如就話每一個人都會幻想擁有一個屬於自己嘅房子，而佢小時候會期望家中全都是粉紅色，也有一顆少女心，不過現在就期望黑白或者要有木的顏色，但現在還沒有擁有一個完全屬於自己的家，自己也會努力和幻想一下。在旁的蕭正楠也常常看外國的房子設計，因為外國房子真的很大，令佢好羨慕！
問翠如有冇畀壓力男友快啲買一間大屋，蕭正楠話呢方面冇壓力，而翠如也立即回答有給壓力，但壓力係畀自己，希望買到一間大房子。蕭正楠話到屋唔一定要太大，夠用就好，太大清潔也很麻煩，說到這裡他就望著翠如笑說到那妳會很辛苦。
說到家務方面，蕭正楠透露媽媽來我家煮飯，煮完後廚房很亂我會發脾氣的，因為我本身懶，不會怎樣去煮飯，所以對於食我也很乾淨，最好連骨都食埋落肚咁就唔使掉，氹到翠如哈哈大笑！再問到係唔係因爲咁，翠如索性唔煮飯，聽到呢個問題，蕭正楠靜咗幾秒鐘然後笑話：「我真係諗唔起對上一次係幾時，冇印象，可能最近太忙關係要記對白。」
問到情人節點過？翠如話已10年沒試過一家人去旅行，呢次難得全家人齊，所以會在情人節及農曆新年期間旅行。問Edwin係咪已融入黃家？翠如話：「佢仲未係，未有份，情人節假期都冇時間慶祝。(過了蜜月期)仲未蜜月就已經過咗蜜月期，好冷淡，我哋一齊做嘢至見到面！」
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
