新鞋刮腳

新鞋刮腳 5招KO 唔使用膠布

生活

廣告

新年當然要買鞋,不過新鞋經常出現新鞋刮腳的問題!相信唔少人都試過!小朋友鞋仔有時都會發生相同情況,即使對鞋係幾千蚊嘅名牌都一樣刮腳,咁點算好?相信唔少人都會選擇貼膠布。但膠布好易甩,而且俾人見到又肉酸!以下幾個方法可以防止新鞋刮腳,大家不妨參考吓!

原文:Sunday Kiss |編輯:東方新地|圖片:新傳媒圖片

新鞋刮腳5招KO

1. 風筒

只要用濕毛巾抹一抹鞋踭位,再用風筒的熱風向住刮腳位置吹幾分鐘,然後用手按住刮腳位,咁就搞掂啦!不過記得唔好將風筒擺得太近對鞋,如果唔係太熱就會令對鞋嘅皮受損!

2. 凡士林

著新鞋之前,可以先搽一層凡士林喺腳跟位置,咁就可以避免刮腳!

3. 報紙+膠袋

將報紙濕少少水,扭成一團,再用乾報紙包住濕咗嘅報紙,塞係刮腳位,然後將鞋放入膠袋,隔一晚拎返佢出嚟,搞掂!

4. 白酒

入面有乙醇,可以令到對鞋啲皮變軟。只要用毛巾浸少少白酒,再用夾固定條毛巾喺刮腳位,隔一晚就搞掂!

 

5.護跟貼

最後一個方法,亦是最方便的方法!用護跟貼!只要將護跟貼貼喺鞋踭,就可以避免刮腳啦!