防潮DIY小錦囊 趕走濕𣲷𣲷同霉味！

原文：Sunday Kiss｜圖片：新傳媒圖片

破舊襪或不織布袋

首先可以把已清潔的舊襪或不織布袋製作小包包待用，只要不穿窿就可以當作小錦囊袋以下材料！

咖啡渣

咖啡渣其實有好勁嘅乾燥及除味功能！大家可以留起冇用嘅咖啡渣，又或者可以打去星巴克分店同店員講聲，第二日就可以去店面自取啦！可以用焗爐或微波爐烘乾後，攤凍入落袋，用來吸味除濕！

洗衣粉或梳打粉

洗衣粉除咗洗衫之外，同時可以吸水氣！打開洗衣粉時不時會見到一嚿嚿嘅洗粉出現，其實就係濕氣重所致，但就不影響洗衫！另外，梳打粉同樣亦有吸濕功效，結塊後就不建議再製作食物，但仍可作清潔霉菌之用。

舊茶包

茶包吸濕方面未必有顯著功效，但係吸味除臭方面表現亦唔錯，除鞋臭味一流！