張建聲

張建聲 搵錢第一 結婚零計劃

網劇《反黑》點擊超過17億、更衝出世界被Netflix睇中,上完線全球播放之餘更會投資拍第二、第三季。監製陳國坤、導演宋本中固然飲得杯落,其實最大贏家應該係憑「招積」一角名利雙收的張建聲。34歲仔出道八年捱出頭來,張建聲愛情同事業一樣得意,兩年前撻著同公司的「翻版吳千語」陳嘉莉,陪住登上事業首個高峰之餘,最難得係捱得又等得,明知有排至嫁得出、一樣肯同男朋友踎街邊食個麵!

撰文:東方新地

圖片:新傳媒圖片庫、張建聲IG

張建聲 鬧市拍拖

由男模變三級男星、再由蕭定一旗下閒角變17年度全民公認最佳奸角,張建聲憑網劇《反黑》的「招積」一角成功上位,先被大導莊文強睇中拍住發哥、城城演《無雙》,又躋身製作費億億聲合拍片《真‧三國無雙》演張飛,今年再下一城,開拍電影《作家的謊言》身兼監製同男主角。

張建聲
日前一同出席完健身室開張活動,趁住天未黑,小兩口一齊遊街拍拖,就算去到旺角人頭湧湧,Kelly一樣旁若無人捉實張建聲。

張建聲
坐公司保母車到達大角咀,張建聲和女友商量一輪,決定拍拖上樓去按摩店舒筋活絡吓先。