陳煒44歲凍齡有術 公開保養心得
廣告
陳煒主演嘅《果欄中的江湖大嫂》最近正喺無綫熱播，現年44嘅陳煒仲獲網民力撐喺三位女主角中最搶鏡，將33歲嘅岑麗香同23歲馮盈盈都比下去，日前陳煒出席活動時，就同大家分享佢嘅保養心得，佢話除咗要食得健康，仲可以飲蜜糖水養顏，佢仲提醒大家，一定要用暖水沖，唔好用滾水！
撰文：東方新地｜圖片：新傳媒圖片庫、陳煒微博
陳煒：唔算太性感
最近《果欄中的江湖大嫂》令陳煒成為網上討論嘅焦點，好多人讚佢喺劇中嘅造型好性感，陳煒笑言：「其實我覺得都唔算太性感。」而講到保養問題，陳煒就話：「其實我唔係保養得好好，因為成日要長時間開工，又唔可以經常去做facial。」
要每日落妝
至於保養嘅心得，陳煒話落妝好緊要：「每日都一定要落妝，等皮膚休息吓，同埋飲食方面都好緊要，通常我會買啲新鮮嘅食材，少食加工食物同醬汁，同埋可以飲蜜糖水滋潤吓，我每次出外景都會帶定蜜糖水飲，重點係要用暖水沖，唔好用滾水沖！」
講到網民話佢索過另外兩個女主角岑麗香同馮盈盈，陳煒表示：「唔可以咁講，每個年齡層都有唔同嘅靚，各有特色啦！」
關鍵詞
陳煒
