王祖藍

王祖藍家有餅印媽!10個明星家族撞樣合集 真係成家一樣樣…

王祖藍李亞男日前為愛女Gabrielle(王天韻)豪搞百日宴,筵開40席,當晚唔少圈中好友都有出席,部份仲帶埋仔女嚟,真係星光熠熠!但網友焦點除咗落喺BB女同靚媽李亞男身上,祖藍媽的現身都搶唔少鏡,事關唔少人都話驟眼睇仲似為佢係祖藍反串,兩母子一樣樣咁話!查實一家人因為基因遺傳的關係當然會非常似樣,不過明明兄弟姐妹之間唔係孿生,偏偏似樣到好似倒模咁,一於看看最強明星家族撞樣合集!

撰文:東方新地 圖片:新傳媒圖片、東方衛視截圖、李亞男IG

李亞男 延續童話夢

15年王祖藍同李亞男的「長短腳之戀」開花結果,而李亞男去年為他成功誕女,眨吓眼,女兒Gabrielle 已經三個多月大,上周日(3月17日)祖藍為愛女Gabrielle 在迪士尼酒店舉行豪華百日宴,為女兒打造人生第一個童話回憶。

娶到靚老婆,再生埋個似媽咪嘅靚囡囡,祖藍台上致 辭亦忍唔住連番多謝愛妻,幸福人爸難掩興奮。
百日宴筵開40席,到賀圈中好友星光熠熠,樂易玲、何超蓮、陳美詩一早到場,不過「處女黨」好姊妹鍾嘉欣在加湊B,香香快將臨盆、王君馨又趕劇,只有剛做人妻的苟芸慧做代表到賀。

亞男抱住小公主Gabrielle母愛氾濫,小公主更五官精緻似足媽咪。