廖碧兒

廖碧兒認戀失婚富二代 與對方女兒相處OK!

最新娛聞

廣告

廖碧兒今日以火紅色低胸裝示人,出席由佢代言的纖體廣告記者會,仲有兩位赤膊猛男陪住!廖碧兒近日傳出新戀情,被指與年約40歲的失婚富二代盧啟賢(Calvin Lo)同遊芬蘭,今日佢就正式承認戀情,甜笑稱兩人拍拖幾個月!

撰文:東方新地|撰文:東方新地、IG

廖碧兒與疑似新歡遊芬蘭

早前就有報道指,有讀者在芬蘭赫爾辛基的機場,目擊廖碧兒與一位型男一同乘搭芬蘭航空商務客位返港,兩人都係作全黑型格打扮,相當惹人注目。返到香港後廖碧兒隨即戴番黑超,仲坐埋機場電動車避人耳目。

廖碧兒疑似型男新歡

被指係廖碧兒新歡的呢位型男好快就被起底,呢位型男叫盧啟賢(Calvin Lo),年約40歲,係一位失婚富二代,而且仲有一個女兒。呢位金融才俊Calvin家底豐厚,家族持有不少物業,自己更住在市值8千萬的山頂豪宅!

不過事情唔係咁簡單,有報道指Calvin離婚後,其實已經有一個名叫Nina泰籍百億電訊太子女女友,咁即係點呢?

廖碧兒認戀失婚富二代

今日廖碧兒身穿火紅低胸裝,出席由其代言的纖體廣告記者會,同場仲有兩位赤膊猛男陪實!廖碧兒最近傳出新戀情,與失婚富二代Calvin Lo同遊芬蘭,對此廖碧兒甜笑承認!佢表示兩人拍拖幾個月,喺一個慈善活動上認識,並大讚Calvin人好好、好細心,大家都鍾意動物。

廖碧兒:對感情一向認真

提到Calvin曾經結過婚並有小朋友,而且有個泰籍女友Nina,廖碧兒就話係對方有一個女兒,不過大家已經見過面,而且相處得OK;至於泰籍女友呢方面,廖碧兒澄清冇呢回事:「冇,冇,以我所知佢係單身。」

另外問到是否以結婚為前提拍拖,廖碧兒表示自己對感情一向認真,希望大家俾多啲時間、空間佢哋,有開心事一定會分享!

去片:

&list=PLsdL8LkX834-708IH5cvPL4HkPDaI2Z-A

【獨家新相】 黎明新寵Wing Chan 陀B六個月

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!