何超蓮

何超蓮處女廣告 甜美笑容融化全場

最新娛聞

廣告

澳門賭王何鴻燊千金何超蓮出名索爆就係人都知,最近佢首次為飲品品牌MEKO(美果)拍攝處女廣告,何超蓮表示接拍呢個廣告嘅原因之一,除咗因為自己細細個就已經好鍾意該品牌產品外,更因為佢哋理念一致,以開心正能量為主題,啱哂佢做開嘅慈善工作『Smile with us HK』認真人靚心更靚呀!

撰文:東方新地

何超蓮擔任飲品品牌代言人

近日,何超蓮就為飲品品牌MEKO(美果)擔任代言人,皆因品牌廣告概念係以開心正能量,飲完會開心、會笑為主題,啱哂佢做開嘅慈善工作『Smile with us HK』。另外,飲品品牌「道地」更積極與Smile with us HK於五月籌備另一項慈善活動。

 

何超蓮有導演教路

雖然何超蓮平時都面對慣大場面,但正式進行拍攝都係第一次,面對鏡頭嘅超蓮都難免會有啲緊張,所以表示自己好驚會拍好耐同埋會阻人收工。但唔使擔心嘅,事關導演都好識做,即刻講解成個廣告嘅故事俾超蓮知道外,亦順便教佢如何放鬆,易啲投入拍攝廣告。

何超蓮處女廣告首次跳舞

由於要配合番首廣告歌,所以何超蓮要係廣告入面跳舞,但因現場好多拍攝嘅人,超蓮就話自己面皮唔夠厚,自己一個係鏡頭前跳舞好尷尬,好彩氣氛唔係好大壓力,跳完第一次,第二、三次都好好,無over run,睇嚟都幾有幕前演出天份。

今次廣告仲會加入一個電腦特技嘅狗仔小吉,現場係見佢唔到,所以喺拍攝時何超蓮就要靠幻想兼俾好多反應。雖然要對住空氣做好多對手戲,但睇落都難唔到佢,拍攝現場充滿笑聲。

何超蓮正能量爆燈

何超蓮就話自己本身份人好鍾意笑,係一個好正面嘅人,而且人係可以選擇自己情緒,可以開心同唔開心,好攰就提下自己笑。單憑今次呢個廣告就睇得出超蓮堅係鍾意笑嘅人,笑容真摯燦爛,簡直溶化大家嘅心呀!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!