出火

「出火」放煙花 吳業坤、麥美恩拍片影相晒罪證

最新娛聞

廣告

好多香港人去墾丁都一定會玩吓煙火例如「仙女棒」咁,不過唔係每個地方都可以放,喺禁止煙火地方放煙花分分鐘犯法。好似麥美恩、吳業坤、Ben Sir、季蘋蘋等無綫藝員,日前喺當地國家公園「出火特別景觀區」禁區內放煙花大玩「仙女棒」,佢哋自拍短片、影合相放上社交平台,「罪證」確鑿!

撰文:東方新地|圖片:吳業坤、麥美恩IG、網上圖片

吳業坤 麥美恩「出火」放煙花

吳業坤、麥美恩、歐陽偉豪(Ben Sir)及季蘋蘋早前到台灣拍《Ben Sir睇樓團》節目,夜晚就去咗墾丁出火風景區玩,眾人喺觀景區內大玩俗稱「仙女棒」的煙花!

而季蘋蘋事後晒合照,坤哥、麥美恩還分別在IG及Big Big Channel上載玩煙花的片段,見到片中眾人拎住煙花玩得相當盡興,麥美恩更超興奮用煙火整心心嘅效果!

 

好多人去台灣墾丁,都一定會去位於屏東恆春附近的國家公園「出火特別景觀區」,由於恆春半島地底蘊含豐富天然氣,所以嗰度地面終年有火焰噴出地面,形成「出火」奇觀。為保遊人安全,當地豎立「禁止進入」的標語﹐不過好多遊客都無視「禁止燒烤、踏入火源區」等地警告標語,企喺禁區內玩煙火、烤雞蛋、整爆谷⋯墾管處長劉培東表示,在「出火」玩火,係違反國家公園嘅禁止事項,可被判3,000元新台幣(約818港元)。

其實2013年台灣電視台就新聞報道指4月份有香港遊客到出火風景區遊玩時,喺公園禁區內放煙花同燒爆谷,片中三人名遊客,原來係阿感黎國輝、曾參加《超級巨聲》的周志文和駱胤鳴。

駱胤鳴事受接受訪問話:「當時唔知呀(犯法),現場有好多人喺度玩,係當地導遊帶我哋買煙花同爆谷,再帶我哋去呢個地方玩。」只能夠講句:人類總是犯同樣的錯⋯

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!