金像獎2022|回顧歷年金像獎女星爆乳激鬥 網民:好睇過頒獎禮!
金像獎2022|周秀娜 透視裝博到盡
今年有份角逐影后的娜姐周秀娜,以黑色喱士性感透視裝出席金像裝頒獎禮,由於真空上陣,導致娜姐行紅地毯時要步步為營,避免走光,可惜即使博到盡,最終娜姐仍失落影后寶座。
今屆其他性感上陣紅地毯女星:
香港電影金像獎紅地毯大戰 之 爆乳失手篇
娜姐 曾失手
娜姐過往出席金像獎頒獎禮經常會真空上陣大晒Quali,而身才澎湃嘅娜姐幾乎次次都會索爆性感登場,次次都殺在場唔少菲林!
不過真空爆乳上陣嘅娜姐都有失手嘅時候,試過喺2013年金像獎頒獎禮上因為中門大開,疑似露暈!
雖然娜姐曾經失手,但依舊不改性感打扮,上年獲提名最佳女主角嘅娜經就以金色超低胸兼大露背晚裝登場,再次成為紅地氈焦點之一,不過亦再次險走光!
JM 露得就露
文詠珊Janice Man(JM)喺前年第35屆金像獎首度入圍最佳女配角,JM以非常性感嘅Versus Versace黑裙上陣,仲自爆上下都真空,連底褲都冇著!不過就慘被網友批評粗髀兼冇波冇籮,毫無美感!
有網友搵出越南模特兒Ngoc Trinh著同一款裙嘅照片,喺比拼之下擁有S形身材嘅Ngoc Trinh即刻贏晒!
熊黛林 倒瀉奶
熊黛林09年以超低胸晚裝出席金像獎,烏低身時疑似不慎露點,不過佢話係膠紙嚟!
DaDa 晒八字波
陳靜(DaDa)2013年憑《低俗喜劇》攞到最佳女配角,當年佢以開到近肚臍嘅Deep V戰衣上陣,但因為胸前缺乏支撐,令爆乳消失,驚變八字波!
黃婉曼 巨乳吸睛
前天氣女郎黃婉曼亦係金像獎紅地毯嘅常客,擁有32F巨乳嘅佢輕輕一夾就現出五吋事業線,吸引晒全場男士嘅目光!
2011年金像獎,黃婉曼爆乳鬥黃雨,貼地長裙盡濕!
謝安琪 濕晒
同一屆金像獎謝安琪都有性感現身,為頒獎禮上台獻唱,但因為暴雨關係,亦都逃唔過濕身嘅命運。
陳嘉桓 高低胸
當年陳嘉桓著上Dorian Ho設計背心裙爆乳亮相,除咗濕裙襬,仲出現高低胸情況。
劉美君爆乳累事
劉美君喺09年金像獎穿著價值超過20萬的Jean Paul Gaultier戰衣,但裡面配襯黑色喱士bra谷胸,被彈打扮不倫不類。
性感爆乳篇
JJ 爆乳Pink Lady
賈曉晨(JJ)2011年香港電影金像獎以粉紅低胸裝爆乳現身,上上落落烏低身都勁吸睛!
林志玲 金光閃閃
09年林志玲憑《赤壁》入圍「最佳新人獎」,佢以Marchesa金色低胸晚裝上陣,晒出北半球,令人眼前一亮。
林熙蕾 晒湯碗胸
林熙蕾2010年金像獎以Dolce& Gabbana低胸爆乳裝現身,輕易成為全場焦點。
高貴篇
Sammi 食白果
鄭秀文(Sammi)每次行金像獎紅地毯時嘅打扮都大方又高貴,原來佢曾經7次提名金像獎「最佳女主角」,而喺第21屆中,更試過憑《鍾無艷》、《同居蜜友》同《瘦身男女》有3個提名,係入圍「最佳女主角」最多但從未獲獎嘅演員。
劉嘉玲高貴迷人
2011年憑《狄仁傑之通天帝國》成為金像影后嘅劉嘉玲以高衩長裙大晒美腿,佢每次出席金像獎時都打扮高貴迷人,keep得勁好。
舒淇 晒千萬鑽飾
2010年舒淇以Elie Saab晚裝配襯逾千萬Cartier首飾,貴氣逼人。
梁詠琪 難得谷胸
Gigi梁詠琪2013年都難得性感谷胸出席金像獎頒獎禮。
郭藹明偶爾性感
劉青雲係入圍金像獎「最佳男主角」最多次嘅演員,38年嚟曾16次提名金像獎「最佳男主角」,但只係憑07年《我要成名》同15年《竊聽風雲3》攞過2次影帝。郭藹明每年都陪老公劉青雲出席頒獎禮,老公可以年年都著一樣嘅衫 ,但郭藹明就年年都要轉款,不過難得佢永冇失手,年年都一樣咁大方得體,偶爾性感,仲好有驚喜㖭!
余安安
上年,余安安著上純白色女神風長裙,配以簡約鑽飾,高貴大方登場!
第41屆《金像獎》即將於幾時舉行?
第41屆《香港電影金像獎》於2月9日在尖沙咀文化中心舉行記者會,宣布今年19個獎項的提名名單,而頒獎典禮即將於⋯⋯詳情請看
MIRROR那三位成員入圍金像獎2023?
今屆金像獎一共有19套電影入圍,而當中包括MIRROR成員主演的《阿媽有咗第二個》、《過時·過節》,以及《闔家辣》,欲知各成員有份爭奪那些獎項,按此看完整入圍名單