少婦聯盟成員龔嘉欣 超市晒美腿格吓價
廣告
少婦聯盟四位成員點解個個未嫁都叫自己做少婦？除咗因為拍劇時嘅角色，仲因為大家都愛行超市愛格價囉！原來珍珠都冇咁真，早排本刊就見到成員之一龔嘉欣一個人表情多多逛超市，睇個樣真係仲興奮過買衫呀！
撰文：東方新地│圖片：新傳媒圖片
少婦聯盟成員龔嘉欣 晒美腿
照咁睇就係收工順手去買餸再返屋企，化晒妝著埋熱褲嘅嘉欣離遠已經好吸睛好易認，不過再多人望都阻止唔到佢專心睇嘢同格價，人哋買咗啲咩又要望吓、白醋係咩成份都要睇過、買盒蕃茄都要揀嚟揀去揀盒最靚，一時嘟晒嘴、一時就自己偷笑，邊有人一個人行街都咁多表情㗎？
買每樣嘢都睇清楚成份、又揀盒最靚，咁都未夠，龔嘉欣買到心水嘢，滿足偷偷地笑！
收工去行超市一個人最好，鍾意行幾耐就行幾耐，買齊嘢畀完錢，龔嘉欣仲好有公德心咁排好車仔至走人。
做開密實姑娘嘅嘉欣，久唔久晒吓小性怠照片！
少婦聯盟成員好感情，早前白色情人節就約埋玩煮飯仔！咦！陳凱琳唔使陪鄭嘉穎咩？
