岑麗香首現《降魔的 捉妖遊戲》 索爆狐仙搶鏡登場

撰文：東方新地｜圖片：電視截圖

《降魔的 捉妖遊戲》 見返小馬 石敢當

《降魔的 捉妖遊戲》中，有份演出的演員多多，包括何廣沛、林盛斌、何依婷、鄺潔楹、陳凱琳及蔡思貝等，當然固有班底就唔少得，包括飾演馬季的馬國明、飾演石敢當的胡鴻鈞、以及飾演魔Salvia的黃智雯等，唔知觀眾掛唔掛住佢哋呢？

浪費食物遊戲？

在《降魔的 捉妖遊戲》中，一眾參與演員懶係跟住劇情發展，然後大玩一關又一關遊戲，但當中唔少遊戲似乎換湯唔換藥，同以前無綫啲遊戲節目有點相似，都係離唔開用食物玩遊戲，似乎新意欠奉之餘，又有浪費食物的問題出現。

行石春路係無綫經典遊戲之一，呢個環節完全係經典再現～

另外，到矇眼估飲品環節，除咗潑到個藝人成面濕晒有啲無里頭，又好似係浪費緊食物，一個字「嘥」！

岑麗香索爆狐仙搶鏡登場

遊戲環節好唔好睇就見仁見智啦，最搶鏡的都係飾演狐仙的岑麗香！狐仙香香出場時以古裝打扮，配上白紗飄揚的迷霧效果，仙氣真係隔住個mon都散發哂出嚟！

零妖氣 好仙氣！

可能今次角色設定係要做到狐仙冷酷的感覺，所以沒有了香香的招牌甜笑，但cool cool的依然靚爆鏡！總之香香成個造型仙氣十足，睇落似仙女下凡多啲，小編都分唔清香香係屬於狐仙定仙女啦～

延伸閱讀：

古天樂首奪影帝 多年來低調行善 內地建逾百學校

金像獎紅地毯大戰 女星爆乳大激鬥