台妹

台妹幫襯完仲俾小費 泰按摩店性侵案另有蹺蹊…

熱話

廣告

早前有位台妹遊客喺網上出po,表示去泰國時幫襯一間T字頭的按摩店,按按吓摩時竟然被男技師突然強行插入性侵!不過警方調查後,發現事件似乎另有蹺蹊…

原文:環球膠報|圖片:網上圖片

台妹稱在泰按摩店性侵

話說早前有位台妹去泰國曼谷旅遊,幫襯市內通羅區一間T字頭按摩店,然後聲稱被男按摩師「強行插入性侵」!事件引左台泰雙邊高度關注,據悉泰國當地警察已經拎咗案發按摩店閉路電視記錄進行調查。

而涉案按摩師亦被帶到警局偵訊,佢承認與該台妹顧客發生性行為,並稱係雙方同意下進行,無性侵呢回事!

幫襯完仲俾小費?

根據泰國媒體報道,當地警方指出從閉路電視記錄發現,該位台妹事後喺一樓櫃台俾錢,當時佢反應並無異樣,仲俾疑犯小費,似乎好滿意對方服務喎!警方又表示會再作進一步調查,查出事件真相。

個男按摩師最後會點?如果調查後發現佢真係涉及性侵,當然就會受到應得的懲罰啦;不過就算真係如佢所講,佢同個台妹進行性行為係出於雙方自願,由於與客人性交係違反店方規定,所以查明案件後相信都係難逃被炒!

甚至有食花生的網民話,其實係該位台妹被男朋友發現偷食,俾綠帽自己戴,所以個台妹就索性屈人性侵!事實係點就唔知啦。

(舊聞重溫)

泰國按摩店好恐怖? 遊客稱被「強行插入性侵」…

呢位遊客打咗篇長文敍述事件,表示去泰國時幫襯一間T字頭的按摩店,點知喺按摩途中,該位男技師竟然除咗佢條褲,之後將佢「強行插入性侵」!

之後事主幾乎打晒任何求助電話,但似乎都未能幫到佢;事主又稱後來從朋友口中得知,原來此為泰國的「黑文化」,按摩店去到晚上就會提供「半套服務」…

事件到底係真定假?暫時就無從得知,如果係真的話,遊客真係要非常非常小心… 另外又有網友覺得事件疑點重重,奇怪女遊客點解會搵男技師?另外有人留意到店外的價錢牌,指100泰銖一小時按摩實在係平得離譜,質疑呢間店係掛羊頭賣狗肉…