單立文

單立文「奔六」恨仔 胡蓓蔚最後衝刺

現年59歲的保鮮男神單立文(豹哥),近年被無綫力捧劇接劇,在處境劇《愛回家之開心速遞》內的鬼馬演出更成功入屋。雖然豹哥升呢做「視霸」,但結婚十年仍未升呢做「人父」,明年60大壽的他,有指多年來與豹嫂胡蓓蔚在生育上有分歧,恨仔恨到發燒的他更提議過老婆做人工受孕,但胡蓓蔚就好抗拒落晒閘。

近年受身邊好友影響,胡蓓蔚亦改變主意,愈來愈鍾意小朋友的她,仲想以46歲之高齡作最後衝刺,希望能為單家繼後,話就話成功與否都今生無悔,不過加埋都過百歲,點會真係冇壓力呢?

撰文:東方新地|圖片:新傳媒圖片庫

單立文 胡蓓蔚 有心唔怕遲

單立文人前人後都錫到老婆胡蓓蔚燶,二人相愛21年,上月慶祝結婚十周年,胡蓓蔚在社交網發長文道出十年人妻感受,大讚老公無得彈,而單立文亦有發文回應胡蓓蔚的稱讚:「我10年前喺唔清醒嘅情況底下做咗一個決定,其實結婚真係冇事嘅,人不Marry(結婚)枉少年,我真係冇後悔呀!」

單立文
單立文與胡蓓蔚08年拉埋天窗,為了慶祝結婚十周年,兩人上月到中環食飯慶祝,並拍下不少Sweet照放閃。

單立文
豹哥於08年娶豹嫂,婚後一直過二人世界,而新婚初期豹哥揚言生仔順其自然,會晚晚不設防,但原來豹嫂未ready,所以肚皮一直冇聲氣。