賴慰玲

賴慰玲獲秋生封「小鄭裕玲」|原來教過前輩做戲⋯

去年尾剛誕下B仔嘅賴慰玲(Winki),近日喺劇集《棟仁的時光》中飾演袁偉豪同林子善嘅下屬「阿Yan」(丘茵茵),戲份頗多。演藝學院出身嘅Winki當年主修演技,係校內高材生,曾演出過多部舞台劇,入行以來曾獲曾志偉、黃秋生等多位影壇大佬提攜,黃秋生仲讚佢係「小鄭裕玲」㖭!原來佢拍首部TVB劇《女人俱樂部》時,就曾教過一位前輩做戲⋯⋯

撰文:東方新地|圖片來源:新傳媒圖片庫、賴慰玲IGTVB

賴慰玲 戀上郭子豪

新劇《棟仁的時光》中賴慰玲飾演嘅「阿Yan」同郭子豪飾演嘅「狄倫」係鬥氣冤家,後尾仲發展出辦公室戀情 , 唔少巴絲打都大讚佢嘅演出自然不造作。賴慰玲話劇中不時見到佢肚凸凸,原來拍攝當時佢已經開始陀B,佢話︰「套劇對我好有意義,因為係我陀住BB時拍,當時只得監製、Ben(袁偉豪)、子善同長興知道,佢哋對我都特別照顧!」

賴慰玲
賴慰玲同郭子豪(左一)劇中有感情線,佢話當時只得林子善、黃長興、袁偉豪同監製知佢陀緊B!

賴慰玲