張繼聰

張繼聰抱囡囡凸腩「的」波:係重咗幾十磅!

最新娛聞

廣告

張繼聰日前喺網上po咗段抱住囡囡「的」波嘅短片,不過網民嘅焦點都落喺佢嘅肚腩上,發現阿聰以往fit爆嘅身材竟然走晒樣!而阿聰就解釋原來一切都係為咗角色⋯⋯

撰文:東方新地|圖片:張繼聰FB

張繼聰 為角色無悔

張繼聰日前帶住老婆謝安琪、囝囝張瞻、囡囡張靖(乳名KaKa Ball)一家四口去到石門嘅賽馬會傑志中心參加活動,佢喺網上po咗段片,留言話:「諗住『的』番一兩個鐘係個囡面前威吓,點知個波唔合作」原本焦點應該係佢又要抱住囡囡又要「的」波有幾高難度,但網民嘅金睛火眼第一時間留意到阿聰以往fit爆嘅身材竟然走晒樣,凸咗個肚腩出嚟!不過阿聰都好快作出回應:「將個焦點放係我個肚腩嘅朋友仔們,留意番,無錯,我係重咗幾十磅 (為咗角色,我無悔)」唔知係咩角色令阿聰要做咁大犧牲呢?

張繼聰單手抱住囡囡「的」波,要保持平衡,的確有啲難度,難得佢只有一兩下係「的」歪咗,都算係咁,不過個肚腩無論喺咩角度睇,都真係好凸出喎!

之後張繼聰再上載同囡囡KaKa Ball單獨喺草地上玩嘅短片,仲攬到實一實,標明話係「浪漫」,sweet到呢,小心老婆呷醋呀!

睇翻昔日張繼聰嘅爆肌相,唔只有胸肌同腹肌,仲要操到青筋都現埋,真係拍得住張家輝當年拍《激戰》咁fit!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!