趙希洛

大台「隱形女筍盤」趙希洛夠貼地 愛迫地鐵食茶餐

最新娛聞

廣告

喺無綫劇《棟仁的時光》中,飾演Emma姐嘅無綫小花趙希洛(Candice)演刻薄上司入型入格,演出自然不造作,備受網友讚賞。趙希洛近年演了不少奸角、癲婆角色,更被網友封為「無綫御用癲婆」,而肯做肯捱嘅佢其實係TVB「隱形女筍盤」,皆因爸爸係經營石油生意,家住豪宅,真係實力雄厚!但儘管如此,Candice對家庭背景也相當低調,而且平日返工多數搭港鐵,去茶記醫肚,生活好貼地㗎!

撰文:東方新地|圖片:新傳媒圖片

趙希洛 演刻薄女上司

《棟仁的時光》除咗有唐詩詠、朱晨麗、賴慰玲呢幾位索女畀大家睇,喺劇入面嘅飾演Emma姐嘅趙希洛(Candice)都成為網友焦點,趙希洛飾演極度乞人憎嘅公司監製,著數攞盡但就經常擺阿姐款仲要針對下屬,個角色設定注定唔討好,但網民大讚佢演出夠自然不造作。

07年參加港姐 08年讀藝訓班

趙希洛在2007年以原名「趙嘉迪」參選香港小姐,雖然五強止步,但佢喺落選後加入無綫藝員訓練班,翌年,她於藝訓班畢業,八年來在無綫多飾演閒角,又因為經常被派演癲婆、殺人犯等角色,所以被網友封為無綫「御用癲婆」。

趙希洛 出身富貴

因為人氣急升,趙希洛火速被起底,原來她的家底雄厚,而且學歷又高,Candice爸爸喺澳洲經營石油生意,媽咪係前資深藝員梁小玲,Candice於英國大學讀法商科,讀到碩士一年級,但當年為返港選港姐而放棄學業。

貼地迫地鐵

趙希洛雖然係太子女一名,但生活同普通人一樣,早前佢穿上一身運動裝,帶住愛犬約埋朋友去大坑歎tea,埋單AA制,好均真!

之後佢將飲完嘅汽水罐,拎去俾附近一個拾荒老人家,趙希洛屋企咁有米,人又有愛心,絕對係TVB女筍盤呀﹗

趙希洛雖然屋企有家底,而媽咪仲係TVB前藝員,但趙希洛相當低調,而且堅持喺大台由低做起,即使平日有司機接出入,但其實佢平日開工大多數時間搭地鐵出入,生活好貼地㗎!

趙希洛雖然做配角,但最近三線劇集都有佢份,曝光率都好高㗎!而行健康性感路線嘅佢,之前幫無綫嘅《Amazing Summer》拍宣傳片,同幾位姐仔齊齊谷胸上陣,好有睇頭!

雖然未做到女一,但不少巴打都幾喜歡趙希洛的演出,認為她演戲自然不造作,而在劇集《 乘勝狙擊 》的其中一集,講述趙希洛及徐榮等人被捉,期間她被歹徒扯爛衫,露出黑色內衣,大騷事業線!

這場戲出街後,不少觀眾大讚她身材出眾,而且演得夠放!

封她為「無線御用癲婆」

趙希洛最出色的演出,不得不說起她在無綫劇集《實習天使》中客串精神病人,所展露的演技讓網民拜服,甚至封她為「無線御用癲婆」。

圖片來源:instagram
圖片來源:instagram

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!