鹹豬手

姚樂怡拍劇遭老前輩抽水!重溫娛樂圈九大「鹹豬手」事件

ViuTV節目《友枱VIP》最近邀請到「七魔女」的姚樂怡、文頌嫻、梁靖琪及鍾麗淇做嘉賓,席間話題講到有否被男藝人抽水,幾位女星都表示曾被「鹹豬手」,當中姚樂怡更大爆當年在大台拍劇,遭老前輩「抽水」,節目出街後引起網民熱烈討論誰是「鹹濕」老前輩!查實娛樂圈不時都會出現一啲疑似鹹豬手事件,以下呢九大事件真係經典,依家就同大家重溫一下啦!

撰文:東方新地 │圖片:新傳媒圖片、魏焌IG

姚樂怡 自爆拍劇遭老前輩「鹹豬手」

「七魔女」在節目閒談間,講到有否被男藝人「抽水」,眾魔女坦言有類似經歷,其中姚樂怡更分享她擊退「鹹豬手」的招數,她說:「舊時拍劇有個老前輩傾偈嗰時,會有意無意咁摸身摸勢,我咪笑住同佢講:『唔好Body Check我啦老爺!』之後有場戲見到佢,佢又想摸我,我就再講:『你又Body Check啊?』佢呢次就知我話緊佢,以後唔敢亂嚟。」之不過佢冇開名講係邊個老前輩,真相不得而知!

姚樂怡 走性感路線

現年45歲的姚樂怡出道時憑34C豐滿上圍而出位,98年加入TVB後不久被安排與梁雪湄、汪曉文(現名汪琳)、雷穎怡(現名雷晴雯)、梁佩盈、任港秀、翟佩雲和李慧萍(現名李思蓓)組成電波少女,之後姚樂怡都拍過不少劇集,但都係做配角居多。