袁偉豪

袁偉豪親自剖白:爸爸情況好反覆!

在無綫劇《棟仁的時光》中,袁偉豪(Ben)飾演要靠接吻來偷取時間延續生命的棟仁,劇中多次生命倒數剩下30分鐘,而現實中患癌的父親同樣面對生命倒數,令他非常感觸。日前袁偉豪帶住女友張寶兒陪父母到黃埔飲茶,離開時見他推住身體消瘦要坐輪椅的父親,眉頭緊皺的他疲態盡現,接受本刊記者訪問時,他坦言父親現時情況好反覆,令他心情好沉重,同時經濟上壓力亦好大⋯⋯

撰文:東方新地|圖片:新傳媒圖片庫、袁偉豪IG

袁偉豪 拍拖盡孝心

本刊記者日前影到袁偉豪陪爸爸飲茶,問佢爸爸依家情況點?袁偉豪答:「爸爸嘅病情好反覆,有時夜晚會呼吸困難,抖唔到氣,依家唔使住院,因為身體虛弱冇任何治療可以再做,亦食唔到嘢,只靠營養奶粉。依家都係一有時間就陪爸爸,同屋企人有共識,想全天候都由親人照顧佢,唔想佢因為我哋疏忽而跌親受傷,媽咪做埋呢個月就退休,佢都會好辛苦,所有一有時間就陪吓佢哋,想盡量做好啲。」

袁偉豪
上周二(1日)早上11時許,袁偉豪與女友張寶兒以牛仔工人情侶裝出動,由將軍澳寓所出發到黃埔陪父母飲茶,離開時袁偉豪負責護送坐輪椅的父親。

 

袁偉豪
袁父與癌搏鬥多年,經過多年治療身體變虛弱,外出要穿羽絨保暖。推住輪椅的袁偉豪一直愁眉不展,心情看來很差。