高海寧

拍劇、供樓壓力大!高海寧 驚現鬼剃頭

無綫咪神、34D高海寧(高Ling)拍劇出騷經常性感上陣,搏到盡搵錢嘅佢係前年成功「上車」,以逾五百萬買入油塘一個私人屋苑中層兩房的單位做業主,之不過拍劇要捱夜日夜顛倒,而且每月供樓兩萬蚊,未計地租、管理費、差餉同家用好多支出,加埋高Ling想再儲多一筆首期買多一層樓放租,壓力大,身體曾經一度響起警號,原來就喺佢接拍《BB來了》時,驚現兩個五蚊銀咁大嘅鬼剃頭⋯⋯

撰文:東方新地 |圖片:新傳媒、高海寧IG高海寧facebook

《BB來了》高海寧演型格調酒師

性感女神高海寧(高Ling),無綫劇《BB來了》廣受觀眾歡迎,劇情溫馨又貼地,除了主角李佳芯(Ali)最搶鏡外,高海寧喺劇中一頭短髮造型,演一位多作中性型格打扮的調酒師,其實都同樣吸睛呢!

高海寧
高海寧劇中個look真係幾型!

《BB來了》Ali幫高海寧揀衫

前晚《BB來了》講到高Ling要見男友黃長興屋企人,但自己平時都係多作中性打扮,所以搵前時裝買手Ali陪佢揀套靚衫!