鍾嘉欣加拿大專心待產 晒唔見肚靚靚母女裝
廣告
女藝人鍾嘉欣不時都會喺社交網po靚相，同大家交代生活近況。而家陀住第二胎嘅嘉欣BB近日又再發相上個人社交網，見到佢同囡囡去咗公園享受陽光同吸吸新鮮空氣，享受生活。但相中嘅重點又再次落係大住肚嘅嘉欣BB身上，皆因佢望落身型仍然非常纖瘦！點解大肚都咁靚㗎？
撰文：東方新地｜圖片：鍾嘉欣instagram、東方新地
鍾嘉欣晒唔見肚靚靚母女裝
而家喺加拿大專心養胎嘅鍾嘉欣，今日就上載咗張相同大家分享下最新近況。相中見到嘉欣bb同囡囡Kelly身處公園，仲要齊齊著住白色母女裝，媽咪就望住囡囡，而坐喺BB車嘅Kelly就望望鏡頭，成個畫面十分有愛！另外，坐喺長櫈上嘅嘉欣望落四肢依然纖幼，齋咁望完全唔似懷孕6個月！
鍾嘉欣頻發福利照
鍾嘉欣早前宣布懷上第二胎，同時宣布會離開加盟了13年的TVB，雖然已經甚少會出席公開活動，但嘉欣耐唔耐就會派福利。有次佢就上載三張靚相，身穿華麗露肩短裙，依然美豔動人，其中兩張相仲擺埋誘人甫士，大騷白滑肌膚及修長美腿。
鍾嘉欣生埋今胎夠晒數
之前佢由加拿大返港出席活動，被問到肚中BB性別，嘉欣就話雖然已經照咗，不過兩公婆叫醫生唔好講，希望保持驚喜！嘉欣同時透露，無論今胎係仔係女都好，都會係最後一胎，兩個夠晒數！
離捨女兒眼紅紅
當時嘉欣獨自返港兩星期，被問到會否掛住女兒Kelly，嘉欣隨即眼濕濕流露不捨之情，表示自己以為接受到，但一聽到老爺奶奶話個女喺屋企搵媽咪，佢實在係忍唔住！嘉欣又稱已經一路灌輸緊「家姐」呢個俾Kelly知，所以女兒近日愈來愈黐身，似乎係感受到威脅！
延伸閱讀：
8對娛樂圈索爆姊妹花 鍾意家姐定妹妹？
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
