李佳芯

360度無死角最靚花旦|李佳芯 同邊個男星拍劇唔過電?

最新娛聞

廣告

同人唔同命,點解有啲藝人蒲親頭都畀人話發電機、拍親劇都會同對手戲男星傳出緋聞?有啲藝人就硬係緋聞絕緣體,攬頭攬頸好好傾最多都係畀人話好人緣呢?只能夠話相由心生、觀眾的眼光是雪亮的,其他人真係唔恨得咁多!講緊嘅咪係早排一齊合作拍《BB來了》嘅李佳芯同黎諾懿!

撰文:東方新地|圖片:新傳媒圖片庫、李佳芯IG

李佳芯 做黎諾懿老婆

李佳芯同黎諾懿喺《BB來了》中扮兩公婆、場場都係對手戲,朝見口晚見面,唔使埋位時企埋一邊雞啄唔斷不知幾啱嘴型!換著第二個一早傳出緋聞,不過呢兩個就入行咁多年都係緋聞絕緣體,李佳芯對ViuTV主持男友陳炳銓一條心、黎諾懿就咁多年眼中只得老婆李潔瑩、舊年仲生咗個寶貝仔「小春雞」㖭,專一形象深入民心。「緋聞?咩嚟架?」呢句說話佢兩位一定最有感受!

新劇扮兩公婆,戲裡恩愛,戲外李佳芯同黎諾懿亦都一見如故,早排一齊合作,等埋位都好似磁石一樣黐埋吹不停。

兩位手舞足蹈傾唔停,講到興起,黎諾懿挨近個頭、又比劃作出「2」字手勢,唔通想預告話畀老友知想生夠兩個?

有名你叫,360度無死角最靚花旦,李佳芯一舉手一投足,又的確係賞心悅目。

一場戲拍完未吹夠,等下場戲set機準備時,兩位換「姿勢」,輪到黎諾懿坐、李佳芯企,再吹過。

同老友吹水固然開心,不過呢個甜到漏樣,就係李佳芯一個人匿埋一邊玩電話時出現,仲唔係同男友chit chat緊?

拍完成日戲,慳家女友李佳芯約埋友人去到九龍城,都係平平地食碗麵醫吓肚。

原來飯後至輪到重頭戲,李佳芯同友人一齊去咗足浴店按腳慰勞自己。

李佳芯基層出身 曾開髮型屋

現為大台一線花旦的李佳芯(Ali),其實出身於基層家庭,自小就與家人居住在柴灣興民邨,以前試過同朋友夾份開髮型屋,斟茶遞水咩都做齊!

李佳芯曾在香港城市大學專上學院修讀視覺藝術副學士。

完成副學士學位後,Ali就因做模特兒而入行,做過有線節目主持,於2012年加入TVB,近年憑《學是學非》入屋,再加上喺唔同劇集有亮眼表現,現已係新一代女神!

Ali亦都已經名花有主,其現任男友是香港now TV/ViuTV的節目主持陳炳銓,但二人一直愛得低調。

李佳芯真係做過秘書:要恃靚行兇!

李佳芯早年做狐狸精上位,而早前喺劇集《波士早晨》入面飾演女秘書又入型入格,無他嘅!因為佢真係打過秘書呢份工,有晒經驗咁話喎,佢就話俾大家聽做秘書其實好簡單,都唔使做啲咩,最緊要係「恃靚行兇」!即係點呀?

李佳芯 三年前索到爆

無綫新劇《波士早晨》入面一班女秘書當道,係咁多女仔當中,李佳芯 (Ali)無疑係最sharp醒的一個,雖然套劇已經係三年前拍,但其實依家的Ali外表完全無變,35歲都算keep得非常好!

覺得自己皮膚差咗

不過李佳芯就有啲擔心三年前的自己,因為無論個樣定演技上都一定有唔同,好在觀眾feedback都比較正面。

Ali又話會諗番點解做得唔夠好,但始終當時係用番自己覺得啱嘅情緒去做,加上《波士早晨》係佢第一套咁多戲份嘅劇,當時仲好青澀!

最後Ali就話睇番以前覺得自己皮膚好好,依家差咗!

李佳芯做秘書easy job

講到今次要揣摩一個秘書角色,Ali就定過枱油:因為佢以前都有做過秘書,所以個角色大約都知道點做。

Ali表示秘書其實都唔使做啲咩,著得靚靚女女加對高踭鞋行出嚟已經得,尤其是佢呢個角色好著重外表,所以演戲上係好簡單,最緊要係「恃靚行兇」!

做秘書就話靠靚可以唔使做啲咩,做演員靠靚只會畀人話係花瓶,Ali有樣有演技,依家行步路都信心十足,演咩角色都冇問題啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!