簡淑兒

簡淑兒繼續京都仙氣遊 同行仲有⋯⋯

最新娛聞

廣告

女神簡淑兒 (Jessica) 日前著上和服遊京都參拜神社,獲網民勁讚有仙氣同kawaii,原來佢同行仲一位好閨蜜,呢個就係咪神陳婉衡!不過今次陳婉衡就收起E奶,改著和服扮日本娃娃,同好友簡淑兒一齊鬥仙氣,獲網友勁like!

撰文:東方新地|圖片:簡淑兒IG陳婉衡FB

簡淑兒陳婉衡 著四層和服

簡淑兒同陳婉衡兩個好姊妹今次同遊日本,原來係一次慶生之旅,陳婉衡生日係上月尾,而簡淑兒就係下月中,陳婉衡話時間啱啱好:「去之前已經好期待,好想同佢一齊著和服影相,今次終於做到!」

陳婉衡又指兩人約定每年都要一齊去一次旅行:「我哋想之後去唔同國家著住當地嘅民族服裝影相,好似一個紀念咁,或者下次可以去韓國著韓服!」

簡淑兒同陳婉衡去到京都著名景點千本鳥居留影,兩個日本娃娃亦成遊客眼中嘅景點,畀人爭住求合照!

雖然獲網民大讚靚女同Kawaii,但陳婉衡就狂呻著和服好熱:「我最怕熱,件和服總共有四層,其實好熱,而且修腰又束到好實,個胃有啲頂住,所以都食唔到太多嘢!」

陳婉衡 束腰晒身材

陳婉衡仲爆兩人前兩日去埋大阪旅遊,好彩當時落住雨冇咁熱。

真係好有仙氣!個束腰仲令到陳婉衡身材好玲瓏浮凸㖭!

簡淑兒 粉色卡哇伊

簡淑兒日前已率先上載著粉色系和服遊京都參拜神社嘅靚相,同樣獲讚充滿仙氣,網友仲讚佢好kawaii!

神社門口寫住「良緣達成」,唔通簡淑兒想去求姻緣?

能夠出走已經是一種幸福💕😊 #Kyoto
Jessica Kan 簡淑兒(@kan_jessica)分享的貼文 於張貼

著住和服食嘢,小心整污糟呀!

Oishi❣️😋
Jessica Kan 簡淑兒(@kan_jessica)分享的貼文 於張貼

陳嘉寶 蔡穎恩 三人行

此外陳嘉寶 (Anjaylia) 同蔡穎恩 (Evelyn) 兩位女神近日亦一齊飛到日本關西旅行,同行仲有男模兼Blogger林皓霆 (Charles),去到京都三人集體著和服擺甫士影相,獲網民勁讚仙氣十足,仲有網民話好有戀愛嘅感覺㖭!

不過蔡穎恩個手袋就被指唔襯套和服,而陳嘉寶就係對鞋太出戲!

陳嘉寶獲網友留言大讚其和服look「有種戀愛的感覺」。

好想要遊遍世界,試遍各地的傳統服飾 🎏🌸 #anjayinthebigbigworld #travel #kyoto #japan #根本家族 #carefreetrip
陳嘉寳Anjaylia chan(@anjaylia)分享的貼文 於張貼

而蔡穎恩亦獲讚激似日本女神綾瀨遙!

Evelyn Choi 蔡穎恩(@evelynchoii)分享的貼文張貼

遊環球影城

之後三人又去埋大阪環球影城,蔡穎恩揸住魔法棒喺哈里波特嘅霍格華茲城堡前留影,搞笑留言:「畢業生回校日!」

陳嘉寶仲食埋京都好出名嘅錄茶雪糕,食到成個嘴仔都污糟晒,佢話係最新興嘅彩妝嚟!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!