黃心穎

盤點12位疑似派帽中港台女星 偷食瘟仔以為無人知!

今日中午有傳媒收到一條車廂偷情的短片,一對男女主角居然是有婦之夫許志安黃心穎,兩人竟然背另一半在車廂拖手錫錫!其實偷食呢回事,邊有分男定女喎!明星係公眾人物,偷食、紅杏出牆都真係不太容易,紙包不住火!以下就集合了12位疑似派帽的中港台女星,大家一齊研究吓佢哋真係咪係大派帽子⋯⋯

撰文:東方新地 圖片:INSTAGRAM、新傳媒圖片

許志安、黃心穎偷食斷正

該段短片長約16分鐘,片段安仔、心穎和男友人坐在車廂後座,男友人堅持先送心穎返家,戴了黑色口罩的心穎爆粗反對:「唔好扮嘢啦!X你!兜X咗我先?」安仔都撐心穎先送男友人返屋企,心穎再向男友人爆粗:「你住邊呀?X你!」安仔叫司機把車開去大坑,心穎跟男友人說:「佢(安仔)送我返去呀!」心穎主動蹺實安仔左臂挨在他身上,兩人更用手袋遮掩偷玩十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」惟當男友人落車後,安仔和心穎異口同聲跟司機說:「鯉魚門(心穎寓所地點)!」和安仔獨處時心穎先隔口罩咀了安仔一啖,不久索性除下口罩攬住安仔啜嘴。