劉心悠

【深宮計】公主上位 無綫力捧 37歲劉心悠做阿佘接班人

相隔9年、經典宮廷劇《宮心計》推出第二輯《深宮計》,話就話背景有別、陣容全新,不過心水清劇迷都睇得出,由外援劉心悠演出之女主角元玥由婢女變公主、性格善良無私堅毅不屈,同9年前佘詩曼角色「劉三好」如出一轍,爭在未日日掛住「說好話、做好事、存好心」口頭禪在口邊而已!

據悉,小青姐出馬邀拍劇、樂小姐爭簽做邵氏自己人,都係因為貪心悠BB純過蒸餾水、形象好到加零一, 一心要用同一條方程式打造心悠變佘詩曼接班人!