結婚25年老婆晒陳年拍拖照 前G4馬德鐘 學堂畢業照曝光⋯
廣告
前日6月27日係馬德鐘50歲生日，而昨日又係佢同太太張筱蘭結婚25周年紀念(銀婚)，真係好難能可貴！而馬太除咗留一番感言，仲放咗多張激罕拍拖照上微博，連當年前G4馬德鐘學堂畢業照都有⋯
馬德鐘老婆 晒陳年拍拖照放閃
日前係馬神同太太張筱蘭結婚25周年嘅大日子，馬太喺微博上載咗多張二人由拍拖到結婚嘅相片，並留言話：「由12歲開始認識你，到今天與你結婚步入4份1世紀，感恩一直同行。人生就是要將今天活得比昨天好。銀婚快樂！」
而馬德鐘亦有轉載太太嘅發文，仲留言回應番老婆：「必須要每天都過得比昨天好。」好恩愛啊！
馬德鐘父子型爆晒肌
馬德鐘入行前曾任G4，出晒名高大威猛，正所謂「虎父無犬子」，佢20歲的囝囝馬在驤絕對有爸爸的風範！馬德鐘同老婆張筱蘭就帶埋囝囝享受陽光與海灘，見到佢哋兩父子喺沙灘上大晒fit爆身材，齊齊爆肌！20歲的馬在驤唔單止相貌不俗，而且已經同爸爸差唔多高，盡得優良基因！
囝囝唔使返學，仲會上內地探班！做爸爸當然好開心啦！
去年馬在驤19歲生日，一家三口同埋狗狗Rocky一齊慶祝生日，兩公婆送上一份禮物好特別又有意思，就係囝囝嘅20粒乳齒喇！
嗰頭仲係BB黐實父母，當爸爸心口係床仔瞓，呢頭已經牛高馬大游出香港，天下父母心，都係一樣咁矛盾，又想兒女快高長大出人頭地、又想「叮噹可否不要老」，時間可唔可以過慢啲？又再慢啲呢？
