張文慈

絕世好家姐 幫胞弟上車|張文慈出騷 細佬全家撐

由亞視到電影圈再捱到入無綫,張文慈終於捱出頭,《宮心計2深宮計》一場苦情戲被網友大讚好演技。其實戲如人生,拍戲為養家入宮又反被家人欺騙,現實生活中張文慈一樣係個好家姐,由老到幼孭起全家上身,唔同在細佬知恩圖報仲好錫家姐㖭!早前盛裝出席完商場宣傳活動,張文慈離場時浩浩蕩蕩好熱鬧,原來細佬帶埋老婆同囝囝一齊撐場,好溫馨!

撰文:東方新地|圖片:新傳媒圖片、張文慈IG張文慈微博