【深宮計】黃心穎偷聽胡定欣陰謀 於生辰慘遭毒手…
撰文：東方新地｜圖片：微博、劇照、網上截圖｜資料來源 :TVB
前文提要：
《深宮計》韓馬利刺殺李龍基
《深宮計》之前劇情講到淑太妃(韓馬利飾) 毒害賢太妃(呂姍飾) 及太上皇(李龍基飾) 的陰謀終被揭發，不過太上皇阻止太平公主(陳煒飾) 私下將淑太妃問斬，反而係希望聽到對方親口解釋。
淑太妃做出毒害皇室中人之事，早已置生死於度外，講講吓突然發難，抽出頭上髮簪衝向太上皇，欲刺殺對方！
不過太上皇當然早有準備，淑太妃想下手之際突然雙眼一睜，然後倒在太上皇肩上口吐鮮血…
原來太上皇早有打算，如今淑太妃心存悔意，就一定饒佢一命，可惜對方依然執迷不悟，所以唯有自己狠下殺手！
純熙欲爬樹摸喜鵲蛋
淑太妃毒殺太上皇事敗，不過王皇后(胡定欣飾) 對鄭純熙(周秀娜飾)的陰謀從未停止，皇后命人散播「摸過喜鵲蛋就會有仔生」的傳言，純熙聽後欲爬上樹摸蛋，結果被元玥(劉心悠飾) 阻止， 並由元玥代為爬上樹拿下鵲巢。
接下來又係一貫的老套情節，元玥梯子的其中一級被人做咗手腳，突然斷裂！
元玥隨即從大樹上跌下，一邊跌一邊大叫「走開」， 不過大肚婆純熙依然上前跳高接住佢…
結果二人雙雙倒地，元玥更壓在純熙肚子上，咁就出事了！
純熙腹中龍裔不保
純熙雖然並無生命危險，不過腹中龍裔未能保住，李隆基(馬浚偉飾) 與純熙皆傷心欲絕，呢個時候只有一個人笑得出…
得知純熙胎兒不保，奸計得逞的皇后心情靚爆，似是浸個靚浴慶祝咁，陰險到爆！
《深宮計》接下來劇情講到純熙因痛失孩兒終日以淚洗面，而元玥則內疚令純熙小產，故在寺廟絕食懺悔。
雖然發生慘劇，不過兩人經過一番互相自責後， 終能放下心頭大石，承諾以後要繼續姊妹同心。
甘若芊生辰將至
另一邊廂，甘若芊(黃心穎飾)生辰將至，佢得知愛人任三恕已經準備好如何為自己慶祝，當然心花怒放！生辰當日， 若芊到御花園採花，心情靚到不得了，順道騷少少事業線俾大家睇～
期間皇后的家令及茗風(林子超飾) 出現，本來若芊都不以為意，誰不知…
意外偷聽皇后陰謀
誰不知兩人竟然喺度討論如何於純熙的糕點做手腳，令佢於一年之內都唔能夠再懷孕！就算係皇后的人，都無理由喺大庭廣眾討論呢啲事吧…
講吓講吓，仲講埋之前皇后如何計劃喺藏書閣燒死純熙、以及想陷害純熙及任三恕犯下淫亂之罪等事，若芊聽到當然大驚！
跟住又又又係老套情節，若芊因為撞到嘢發出聲音而被發現，欲急急腳逃走，但被皇后家令及茗風截住！
黃心穎將遭毒手？
茗芊轉身欲逃，點知似乎被一神秘人秘攔住，臉上亦露出極驚恐情神情，唔通係皇后出現？
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
