謝安琪

拍拖、湊仔、陀b都著高踭鞋之謎!原來謝安琪嫌自己生得矮⋯

謝安琪(Kay)加盟麥浚龍(Juno)公司幻國旗下的第一首新歌《人妻的偽術》於上月中派台,唔講唔知,Kay對上次出新歌已經是3年前的事,所以拍新歌MV佢都好緊張,事前唔止做Gym操靚背部,仲學抽第一口煙,真係用心良苦!而今日佢接受電台訪問,唔止話嫌自己生得矮,仲自爆童年嘅英文名,唔係叫Kay!

撰文:東方新地 |圖片:新傳媒圖片、Instagram-謝安琪、微博

謝安琪 童年英文名唔係叫Kay?

Kay接受電台訪問,談到她的英文名﹐佢透露其實小時她英文名是另有其名:「因為阿媽係先改我英文名叫Angel,所以中文名就叫安琪,而我個琪嘅拼音真係用Kay,到大學時候有個老師問我英文名係咪叫『Kay』?咁我就索性用咗佢嚟做英文名。」其實呢個名都好襯佢,改得好!

嫌自己生得矮?

不過講到有冇咩最大遺憾時?Kay笑言後最悔發育冇做呢件事:「細個時發育時期應該食多啲嘢,因為真係好唔鍾意自己咁矮囉!」所以話,女仔要靚唔要命,以為食得少就減到肥!